ءازەربايجان تاۋلى قاراباقتاعى قارۋلى قاقتىعىس كەزىندە قازا بولعان ءاسكەرىنىڭ سانىن جاريالادى. ءازەربايجان قورعانىس مينيسترلىگىنىڭ مءالىمەتى بويىنشا، 44 كءۇنگە سوزىلعان ۇرىستا بۇل ءولكەنىڭ 2783 ءاسكەرى جءانە وفيتسەرى مەرت بولعان. بۇل تۋرالى ورتالىق ازيا جاڭالىقتار قىزمەتى جازدى.
مينيسترلىك سوڭعى ۇرىستى "وتان ءۇشىن سوعىس" دەپ سيپاتتاپ، 103 جاۋىنگەردىڭ سۇيەگى دنك-ءاناليزى كومەگىمەن انىقتالىپ جاتقانىن حابارلادى. سونىمەن بىرگە جۇزدەن استام جاۋىنگەر ءىز-ءتۇسسىز جوعالعانىن جانە 1245 اسكەردىڭ جاراقات العانىن مالىمدەدى.
ءبىر كۇن بۇرىن ارمەنيا بيلىگى سوعىس كەزىندە 2718 جاۋىنگەردىڭ دەنەسىن مەديتسينالىق قىزمەتكەرلەر قاراپ شىققانىن، ولاردىڭ ىشىندە ازەربايجان ساربازدارى بولۋى مۇمكىن ەكەنىن ايتقان.
بىراق ازەربايجان بۇل سان ابدەن ازايتىلىپ بەرىلدى دەگەن ۇستانىمدا. بۇعان ارمەنيانىڭ دەنساۋلىق ساقتاۋ ءمينيسترى ارسەن توروسيان جاۋاپ بەرىپ، بۇل سوڭعى كورسەتكىش ەمەس ەكەنىن، قازا بولعانداردىڭ دەنەسىن ىزدەستىرۋ جۇمىسى ءجۇرىپ جاتقانىن حابارلادى.
ال ازەربايجان پرەزيدەنتى يلحام اليەۆ شۋشا قالاسىن العان 8 قاراشا جەڭىس كۇنى رەتىندە جاريالاناتىنىن مالىمدەگەن.
وعان دەيىن 10 قاراشانى جەڭىس كۇنى رەتىندە اتاپ ءوتۋ ۇسىنىلعان. بىراق بۇل كۇن ازەربايجاننىڭ ەڭ جاقىن ارىپتەسى تۇركيادا اتاتۇرىكتى ەسكە الۋ كۇنىنە ءدال كەلگەندىكتەن باس تارتقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟