Foto: Kolladj QT

Otbasılıq el basqaru forması damudıñ  demokratiyalıq  jolın  tañdağan Täjikstan, Özbekstan, Äzerbayjan, Qazaqstan jäne Resey  siyaqtı  elderde äli  künge deyin jalğasıp keledi.

TMD aymağında ornalasqan  jwrt  üşin el basındağı atqa minerlerdiñ jaqındarınıñ jwmsaq orındarğa  jayğasuı jañalıq bolmauı mümkin biraq, biz bügin sol «kün kösemderiniñ» tuıstarınıñ qanday qızmette jürgenderine qısqaşa toqtalmaqşımız.

Atadan balağa bilik  tizginin mwrağa qaldıruğa äli jetpese de, otbası ökilderin joğarı qızmetterge tağayındauda aldına jan salmaytındardıñ biri Täjikstan prezidenti Emomoli Rahmon. Onıñ wlı Rustam Emomoli Duşanbe qalasınıñ äkimi qızmetine tağayındalıptı. Bwdan säl erterekte qızı Ozadanı Täjikstan parlamentine deputat etken edi. Emomolidiñ jeti balası bar ekenin eskersek Täjikterdı äli talay  Emomolilerdiñ  basqarıtını anıq. Al atınan AQŞ, Ukraina, Gruziya,  külli Europa ürketin Resey basşısı Vladimir Putinniñ  qızı, milliarder,  Katerina Tihonova «Innopraktika» qorınıñ direktorı. Bwl qor qwnı 110 mlrd rubl' Mäskeu memlekettik universitetiniñ ğılımi-tehnikalıq jwmısın arttıruğa arnalğan jobağa qatısqan. Osığan qarap Putinniñ qızı da jaman ömir sürmeytinin bayqauğa boladı. Biraq, bwlardıñ barlığınan Äzerbayjan basşısı Il'ham Äliev basıp ozdı. Ol bir-aq künde äyeli Mehriban Älievadan  vice-prezident jasadı. Al Özbekstannıñ su jaña basşısı Şavhat Mirzyaev bolsa, kele salıp küyeubalasın Otabek Şahanovtı prezident qauipsizdigi basşısınıñ birinşi orınbasarı etip tağayındadı degen sıbıs bar. Saylauda tek 99,9 dauıs jinaytın «kün kösemderden» demokratiyanıñ qaynar közi sanalatın AQŞ basşısı Donal'd Trampta qalıspayın dedi ma?. Äyteuir Qıtaymen kezdesu bolsın, basqası bolsın küyeu balasın qasınan tastamaytın bolğan.  Endi Qazaqstanğa keletin bolsaq bizdiñ eldi aytpasaq ta tüsinikti. Joğarıdan bastap, tömengi därejedegi şeneunikterge deyin jwmsaq kreslolardı qolınan kelgenşe el igiligi üşin jaqındarına taratıp bergenin köz körip, qwlaq estip jür.

Joğarıda aytılğan elderdiñ işinde eñ ayanıştı «jwmsaq kreslo jaqındarıma» attı sayasi tragediyalıq qoyılım Özbekstanda boldı. 26 jıl el basqarğan Islam Kärimovtıñ öliminen keyin, onıñ otbasına sayasi qısım jasaldı. Sonıñ saldarınan 44 jasar Gülnara Kärimovanıñ ömirine qauip töndi. Qazirgi küni onıñ tağdırı belgisiz küyde. Kezinde Gülnar da özge «kün kösemderdiñ» qız, wldarı siyaqtı  äkesiniñ pärmenimen türli qızmetterde  jwmıs atqardı. 1995 jılı Özbekstannıñ sırtqı ister ministriniñ keñesşisi, 2003-2005 jıldarı Özbekstannıñ Reseydegi elşiliginde, 2008 jılı Özbekstannıñ sırtqı ister ministriniñ orınbasarı, 2010 jılı Özbekstannıñ Ispaniyada elşisi boldı. Keyin äkesiniñ qaharına wşırap, bilikten şettetildi.

Jer betindegi jartı qwdaylardıñ öle-ölgenşe bilikten ayırılğısı kelmeytindigi osıdan bolar degen oy keledi keyde. Qanşa degenmen el tağdırınan,  işten şıqqan perzent bolaşağı artığıraq qoy.

“The Qazaq Times”