AQŞ jäne birqatar Batıs elderiniñ aqparat agenttikteri Tramptıñ Baydenge bilikti ötkizip beruge kelisim berdi degen habarlardı tarattı. Degenmen, Tramptıñ äleumettik jelidegi mälimdemeleri bwğan tolıqtay säykes kelmedi.

AQŞ-tıñ bilik almasu kezindegi qızmetterdi üylestiretin Jalpı qızmetter agenttigi (GSA) degen qwziretti organı keşe mälimdeme jasap, Bayden komandası bilikti öterip alu procedurasın bastau üşin qajetti resurstar men qızmetterge qol jetkize alatının habarladı. Sonday-aq, prezident Tramp atalğan organğa öz jwmısın atqaruğa tapsırma da bergen.

GSA-tıñ qazirgi direktorı Emili Marfi hanım Baydenge jazğan hatında: ««Jalpı qızmetterdiñ direktorı retinde men saylaudan keyingi belgili bir resurstar men qızmetterdi prezidenttiñ tapsıruına kömektesu üşin 1963 jılğı qayta qaralğan Prezidentti tapsıru turalı zañğa säykes wsına alamın», – dep jazğan eken. Ol sonday-aq, öz mindetine jauapkerşilikpen qaraytının ayta kelip: «Soñğı qwqıqtıq qiındıqtar men saylau nätijelerin kuälandıru progressine baylanıstı, siz tiisti resurstar men qızmetterge qol jetimdi ekeniñizdi rastap osı hattı joldap otırmın», – dep jazğan.

GSA direktorı Emili Marfig hanım mälimdeme jasadı. Foto: VAO.

Ädette atalğan organ jaña saylanğan prezidentke qajetti resurstar men qızmetterdi paydalanu mümkindigin saylau öte salısımen berip jatadı. Biraq, biılğı daulı saylauğa baylanıstı olay bolmadı.

Tramp öziniñ «Tvitterdegi» paraqşasında Emili Marfige türli qısım men bopsalau äreketteri boldı dep mälimdedi. Ol GSA-ge onıñ direktorı men qızmetkerleriniñ qauipsizdigi üşin sonday tapsırma bergenin, alayda saylau nätijesi üşin küresti jalğastıratının jetkizgen.

“The Qazaq Times”