Pentagon basşısı AQŞ-tağı kürdeli sayasi kezeñde qızmetten ketti. Foto: VOA

AQŞ prezidenti Donal'd Tramp qorğanıs ministri Mark Esperdi qızmetinen bosatqannan keyin bir öte salıp tağı bir qorğanıs lauazımdısı Pentagonnan ketip qaldı. Pentagondağı kadrlıq almasular demokrattardı alañdattı.

Mark Esper jwmıstan ketisimen Pentagondağı onıñ sayasi mäseleler jönindegi orınbasarı Jeyms Anderson öz erkimen jwmıstan ketti. Anderson keterinde prezident Trampqa bir paraq hat qaldırğan eken, hatında öziniñ Pentangondağı qızmetindegi jetistikterin tize kelip,  memleketke etken qızmetteri üşin maqtanış sezimde ketip bara jatqanın aytıptı.

«Qazir bärinen de mañızdısı ne, ol bizdiñ eñ wzaq merzimdi jetistigimiz – barlıq memlekettik qızmetkerler qorğap, qoldauğa ant bergen elimizdiñ Konstituciyasın saqtau», – degen eken Anderson hatında.

Tramp Mark Esperdi qızmetinen bosatqanın düysenbide Tvitter paraqşasında jazdı, biraq sebebin tüsindirmedi. Jay ğana: «Mark Esper qızmetinen bosatıldı, men oğan bwğan deyingi qızmeti üşin alğıs aytqım keledi», – degen.

Keybir demokrattar keşe Pentagondağı auıs-küyisteri sınap, Tramp biligin saqtap qalu üşin özine qarsı adamdardı bilikten quıp, ornına ıñğaylı adamdarın äkelip jatır, bwnısı avtokratiyağa köbirek wqsaydı dep şenedi.

“The Qazaq Times”