Foto: VVS

AQŞ-ta byulleten'derdi sanau äli de jürgizilip jatır. Äzirge, respublikaşıl Donal'd Tramp 214, al demokrat Djo Bayden 264 dauıs nätije körsetken.

Qazir barlıq nazar Nevada, Soltüstik Karolina, Arizona, Viskonsin, Djordjiya jäne Miçigandağı sanaq barısına audarılğan. Sebebi Djo Bayden de Donal'd Tramp ta atalğan ştattarda bir-birinen asa alşaqtay qoymağan.

Miçigan men Viskonsinde säl basımdıqqa ie bolıp twrğan Djo Bayden üşin Nevada men Arizona ştatında qajetti wpay jinau jeñiske äkelui mümkin. Alayda Donal'd Tramp key ştattarda zañbwzuşılıqtardıñ bolğanın alğa tartıp, öziniñ jeñiske jetetinin aytuda.

Al atalğan ştattardıñ keybirinde sanaq äli birneşe künge jalğasuı mümkin. Pensil'vaniya men Arizona biligi byulleten'derdi sanau bügin ayaqtaluı mümkin. Al Nevada qaraşanıñ 12-i küni, Djordjiya zañ boyınşa saylaudan keyin 10 künniñ işinde jariyalauı tiis.

Amerikadağı saylau jüyesiniñ özindik erekşelikteri bar. Halıq prezidentti tikeley saylamaydı. YAğni «bir adam – bir dauıs» erejesi qoldanılmaydı. Aq üy basşısın Tañdauşılar kollegiyasınıñ müşeleri anıqtaydı. Olardıñ jalpı sanı – 538. Är ştattıñ halıq sanına säykes irikteledi. Ümitkerdiñ qaysısı bolmasın, belgili bir ştatta jeñiske jetse, osı ştat tañdauşılarınıñ barlığı sol ümitker üşin dauıstarın beruge tiis.

Bwl ereje tek şağın Men jäne Nebraska ştattarında qoldanılmaydı. Jeñiske jetu üşin ümitker 538 dauıstıñ kem degende eki jüz jetpisin jinauı qajet. Sondıqtan keyde halıqtıñ köpşiligi dauıs bergen ümitker prezidenttik ornınan qağıluı mümkin. Soñğı saylauda tap osınday jağday tirkelgen edi. Hillari Klinton köp dauıs jinağanımen, ştattar tañdauşılarınıñ dauıstarı boyınşa artta qaldı. Sırttan bwl jüye tım kürdeli körinui mümkin. Alayda AQŞ derbes ştattar odağı retinde qwrılğanın eskerui kerek. YAğni is jüzinde federaciya basşısı saylanadı.

"The Qazaq Times"