AQŞ prezidenti Donal'd Tramp jäne vice-prezident Mayk Pens. Foto: Fox News

AQŞ prezidenti Donal'd Tramp ayqın basımdıqpen jeñiske jetetinin jäne qarsılası Djozef Baydenniñ bwl nätijeni moyındağısı kelmeytinin ayttı. Qazirgi prezidenttiñ ündeui barlıq amerikalıq BAQ-ta tikeley efirde körsetildi.

Aq üyde mälimdeme jasağan Tramp: «Demokrattar Baydenniñ jeñilgenin moyındamay otır. Bwl – elimiz üşin wyat. Biz osı saylauda jeñiske jetemiz dep dayındaldıq. Şını kerek, saylauda jeñdik. Respublikaşıldardıñ maqsatı – eldiñ igiligi üşin saylau nätijeleriniñ twtastığına kepildik beru. Bwl öte mañızdı sät», – dedi.

Tramptıñ aytuınşa, Djozef Bayden prezidenttik saylauda jeñe almaytının tüsinip, sot isin jürgizu arqılı äreket etuge şeşim qabıldağan. Sonımen qatar «saylaudağı dauıstardı sanau Tramptıñ jeñisin moyındamau üşin jasandı türde toqtatıldı» – deydi.

Qazirgi prezident Djordjiya, Pensil'vaniya, Miçigan jäne Viskonsin ştattarında jeñetinine senimdi. Äzirge, bwl ştattarda jeñimpaz anıqtalğan joq. «Fox News» telearnasınıñ bağalauı boyınşa, Tramp joğarıda atalğan ştattarda da jeñiske jetedi.

Amerikalıqtar bügin tek Aq üy basşısın ğana emes, vice-prezidentti, Ökilder palatasınıñ bükil 435 müşesin, 35 senator jäne birneşe ştat men aymaqtıñ 13 basşısın da tañdauı tiis. Degenmen älem nazarı prezident saylauına auıp otır. Däl qazir 538 saylauşınıñ 238-i Baydenge, 213-i Trampqa dauıs bergen. Ümitker prezident bolu üşin saylauşılar alqasındağı 538 dauıstıñ keminde 270-in aluı kerek.

"The Qazaq Times"