AQŞ-ta prezident pen vice-prezident saylauı ayaqtaluğa jaqın. Birer uaqıttan keyin Amerikanıñ 46-şı prezidenti belgili bolmaq. Däl qazir dauıs sanın esepteu jürgizilip jatır. Resmi mälimet boyınşa qos kandidat – respublikalıq partiya ökili Donal'd Tramp 145, al demokrat Djozef Bayden 223 dauıs nätije körsetip twr. Ümitker prezident bolu üşin saylauşılar alqasındağı 538 dauıstıñ keminde 270-in aluı kerek.

Amerikalıqtar bügin tek Aq üy basşısın ğana emes, vice-prezidentti, Ökilder palatasınıñ bükil 435 müşesin, 35 senator jäne birneşe ştat men aymaqtıñ 13 basşısın da tañdauı tiis. Degenmen älem nazarı prezident saylauına auıp otır.

Osığan deyin 97 million amerikalıq merziminen bwrın dauıs bergen. Bwl – bwrın-soñdı bolmağan körsetkiş. Jergilikti zañ boyınşa halıq sanı 100-den az eldi mekenderge tüngi 00:00-den bastap dauıs beruge boladı. Söytip N'yu-Gempşir ştatındağı Diksvill-Notç jäne MIllsfild jwrtı öz tañdauın jasap ülgergen. Tipti dauıs beru nätjeleri de sanaldı: Millsfildte 21 saylauşınıñ 16-sı Tramptı qoldasa, Diksvill-Notç eldi mekeninde 5 dauıs jinağan Djo Bayden jeñiske jetken.

Associated Press agenttigi saylau nätijesi birşama ayqın delingen ştattarda naqtı kim jeñetinin boljay bastadı. AR agenttiginiñ mälimetinşe, Mäskeu uaqıtımen tañğı sağat 4-te Bayden 9 ştatta jeñiske jetken. Al Tramp 7 ştatta basımdıqqa ie bolğan.

Prezidenttik saylauda sarapşılardıñ qorıtındısı boyınşa qwbılmalı ştattardıñ sanı – 8. Olar: Pensil'vaniya, Djordjiya, Viskonsin, Arizona, Florida, Soltüstik-Karolina, Miçigan jäne Minnesota. Bwl – eñ negizgi jäne şeşuşi ştattar. Halıqtıq saualnama boyınşa Bayden alda keledi. Tipti Pensil'vaniya, Miçigan, Arizona siyaqtı qwbılmalı ştattardıñ twrğındarı da Baydeninñ kandidaturasın qoldap otır.

CNN-niñ zerteui boyınşa Bayden qazirdiñ özinde elektoraldı kolledjdiñ 279 dauısın jinap otır. Prezident atanu üşin onıñ 270 jinağanı da jetkilikti. Al Donal'd Tramp bolsa, 20 ştatta köş bastap keledi. Elektoraldı dauıstardıñ sanı – 125. Tehastı qossaq, 163 dauıs. Degenmen bwl tek beyresmi jäne aldın ala jasalıp jatqan aqparat, qorıtındı şeşim emes. Barlığı 2016 jıldağıday soñğı sätte özgerip ketui mümkin.

Mälimet

AQŞ prezidenttigine birinşi ümitker – respublikalıq partiyanıñ ökili Donal'd Tramp. Respublikalıqtardıñ soñğı jıldardağı wstanımı – salıqtı azaytu, qarudı wstau qwqığın qoldau jäne köşi-qonğa qatıstı qatañ şekteuler engizu. Şalğay öñirlerde qoldauşıları köp. Respublikalıq eks-prezidentterdiñ qatarında Ronal'd Reygan men Djordj Buş bar.

Ekinşi ümitker – demokrat Djo Bayden. Barak Obama el basşısı bolğan kezde 8 jıl boyı vice-prezident qızmetin atqarğan. Sayasattağı täjiribesi 50 jılğa juıqtaydı. Demokrattar partiyasınıñ ökili. Bwl sayasi wyım azamattıq qwqıq, köşi-qon jäne klimattıñ özgerui sekildi mäselelerge degen liberaldıq közqarasımen erekşelenedi. Demokratiyalıq partiyanıñ eks-prezidentteri qatarında Djon Kennedi, Bill Klinton men Barak Obama bar.

"The Qazaq Times"