Foto: mod.gov.kz

Qazaqstanda «İle» oqu-jattığu ortalığınıñ bazasında «Dala qıranı – «Köktem-2017» taktikalıq-arnayı bitimgerşilik oqu-jattığuı birinşi kezeñiniñ belsendi fazası ötti. AQŞ jäne Wlıbritaniyanıñ äskeri qızmetşilerimen birlese qazaqstandıq bitimgerşiler bitimgerşilik missiyalardıñ taqırıptıq mäseleleriniñ birtwtas keşenin pısıqtadı. Bwl turalı Qorğanıs ministrliginiñ resmi saytında jariyalandı.

Oqu-jattığudıñ belsendi fazasın ötkizu kezinde Qazaqstan Qarulı Küşteriniñ oqu-jattığu ortalığı bosqındardıñ elestetu lager'lerimen nağız bitimgerşilik bazağa aynaldı. Jasalğan infraqwrılım barlıq josparlanğan is-şaralardı sapalı ötkizu üşin şanayı jağdayda barınşa jaqındatılğan türde model'deuge mümkindik berdi. Oqu-jattığuğa qatısuşılar jauapkerşilik aymaqtarın patrul'deu, blokbeketterdi ornatu qwraldarı boyınşa kölik magistral'darın baqılau, şeruşilermen jwmıs jasau, bitimgerşilik bazanı küzetu, jekelegen twlğalar men izgilik jükterdi aydauıldau men ilesip jüru, sonday-aq, alğaşqı medicinalıq kömek körsetu boyınşa mäselelerdi pısıqtadı. Wlıbritaniya Qarulı Küşteriniñ ökilderi qazaqstandıq äskeri qızmetşilerdiñ, olardıñ işinde, qoyılğan tapsırmalardı orındauda bitimgerşilik batal'onınıñ joğarı dayındıq deñgeyin atap ötti. «Dala qıran» oqu-jattığuı 2003 jıldan bastap ötkizilip keledi. Qazaq bitimgerşilik batal'onınıñ äskeri qızmetşilerine äri qaray bitimgerşilik missiyalarğa qatısu üşin özderiniñ käsibi dayındıq deñgeylerin jetildiruge mümkindik beredi. «Köktem-2017» sonıñ alğaşqı fazası. «Dala qıranı-2017» oqu-jattığuınıñ negizgi fazası şildeniñ 22-i men tamızdıñ 4-i aralığında «İle» poligonınıñ aumağında ötedi. Qorıtındısı boyınşa NATO elderiniñ sarapşıları «Qazbat» qazaqstandıq bitimgerşilik batal'onınıñ bitimgerşilik missiyalarğa qatısqanı üşin bağa beretin boladı.

“The Qazaq Times”