Фото: mod.gov.kz

Қазақстанда «Іле» оқу-жаттығу орталығының базасында «Дала қыраны – «Көктем-2017» тактикалық-арнайы бітімгершілік оқу-жаттығуы бірінші кезеңінің белсенді фазасы өтті. АҚШ және Ұлыбританияның әскери қызметшілерімен бірлесе қазақстандық бітімгершілер бітімгершілік миссиялардың тақырыптық мәселелерінің біртұтас кешенін пысықтады. Бұл туралы Қорғаныс министрлігінің ресми сайтында жарияланды.

Оқу-жаттығудың белсенді фазасын өткізу кезінде Қазақстан Қарулы Күштерінің оқу-жаттығу орталығы босқындардың елестету лагерьлерімен нағыз бітімгершілік базаға айналды. Жасалған инфрақұрылым барлық жоспарланған іс-шараларды сапалы өткізу үшін шанайы жағдайда барынша жақындатылған түрде модельдеуге мүмкіндік берді. Оқу-жаттығуға қатысушылар жауапкершілік аймақтарын патрульдеу, блокбекеттерді орнату құралдары бойынша көлік магистральдарын бақылау, шерушілермен жұмыс жасау, бітімгершілік базаны күзету, жекелеген тұлғалар мен ізгілік жүктерді айдауылдау мен ілесіп жүру, сондай-ақ, алғашқы медициналық көмек көрсету бойынша мәселелерді пысықтады. Ұлыбритания Қарулы Күштерінің өкілдері қазақстандық әскери қызметшілердің, олардың ішінде, қойылған тапсырмаларды орындауда бітімгершілік батальонының жоғары дайындық деңгейін атап өтті. «Дала қыран» оқу-жаттығуы 2003 жылдан бастап өткізіліп келеді. Қазақ бітімгершілік батальонының әскери қызметшілеріне әрі қарай бітімгершілік миссияларға қатысу үшін өздерінің кәсіби дайындық деңгейлерін жетілдіруге мүмкіндік береді. «Көктем-2017» соның алғашқы фазасы. «Дала қыраны-2017» оқу-жаттығуының негізгі фазасы шілденің 22-і мен тамыздың 4-і аралығында «Іле» полигонының аумағында өтеді. Қорытындысы бойынша НАТО елдерінің сарапшылары «Қазбат» қазақстандық бітімгершілік батальонының бітімгершілік миссияларға қатысқаны үшін баға беретін болады.

“The Qazaq Times”