Wlıbritaniya prem'er-ministri Boris Djonson. Foto: AR

Wlıbritaniya men BWW 12 jeltoqsanda «klimattıñ özgeruine qarsı küres» sammitin ötkizedi. BWW baspasöz qızmetiniñ habarlauınşa, kezdesu Parij klimat kelisimine qol qoyılğanınıñ bes jıldığına oray wyımdastırıldı.

Resmi habarlamada: «Soñğı zertteuler parniktik gazdardıñ koncentraciyası rekordtıq deñgeyge jetkenin körsetti. Osığan baylanıstı BWW Bas hatşısı Antonio Guterriş pen Wlıbritaniya prem'er-ministri Boris Djonson 12 jeltoqsanda ötetin älem köşbasşılarınıñ kezdesuine teñ törağalıq etedi», – delingen.

Parij kelisimi 2015 jıldıñ 12 jeltoqsanında klimattıñ özgerui jönindegi negizdemelik konvenciyanıñ 21-konferenciya qorıtındısı boyınşa qabıldandı. Qatısuşı elder ğalamşardağı ortaşa temperaturanıñ industriyağa deyingi kezeñmen salıstırğanda 2100 jılğa qaray Cel'siy boyınşa eki gradustan joğarı köteriluine jol bermeuge kelisti. Qwjat, atap aytqanda, parniktik gazdar öndirisin azaytudı közdeydi. Reseyde kelisim 2019 jıldıñ qaraşada küşine engen.

"The Qazaq Times"