Aleksandr Lukaşenko jäne Vladimir Putin. Foto: https://kommersant

Belarus' prezidenti Aleksandr Lukaşenko Reseydiñ Qorğanıs ministri Sergey Şoygumen kezdesude Brest mañında ötip jatqan «Slavyan bauırlastığı» äskeri jattığuların jalğastırudı wsındı.

BELTA agenttigine swhbat bergen Lukaşenko: «Biz Resey prezidentimen Belarus' aumağında ötetin äskeri jattığulardı jalğastıruğa kelistik. Aldağı uaqıtta Reseymen birlese basqa da josparlardı jüzege asıramız», – dedi.

Resey Qorğanıs ministrliginiñ basşısı Mäskeu men Minsk biıl äskeri salada 130-ğa juıq isşara ötkizudi aldın-ala josparlağanın ayttı. Reseydiñ Qorğanıs ministri Sergey Şoygu: «Ökinişke oray, bağdarlama tek 30%-ğa orındaldı. Bizge jıl soñına deyin bwl jospardı kem degende 70%-ğa jetkizu kerek. Ol üşin qazir bolıp jatqan ilimderdiñ ekinşi kezeñin qorıtındılaymız. Qazanda kelesi birlesken jattığular bastaladı», – dedi.

Lukaşenko men Putinniñ Soçidegi kezdesuinde Reseydiñ Belarus'ke 1,5 milliard dollar köleminde memlekettik nesie beretini mälim boldı. Kelissözdiñ qorıtındısı boyınşa, resey-belarus' şekarasına jaqın mañdağı qwqıq qorğau organı men wlttıq gvardiyanıñ rezervi «Slavyan bauırlastığı-2020» oqu-jattığularınan keyin qayta qwrılatını aytıldı.

"The Qazaq Times"