بەلارۋس پرەزيدەنتى الەكساندر لۋكاشەنكو رەسەيدىڭ قورعانىس ءمينيسترى سەرگەي شويگۋمەن كەزدەسۋدە برەست ماڭىندا ءوتىپ جاتقان «سلاۆيان باۋىرلاستىعى» اسكەري جاتتىعۋلارىن جالعاستىرۋدى ۇسىندى.
بەلتا اگەنتتىگىنە سۇحبات بەرگەن لۋكاشەنكو: «ءبىز رەسەي پرەزيدەنتىمەن بەلارۋس اۋماعىندا وتەتىن اسكەري جاتتىعۋلاردى جالعاستىرۋعا كەلىستىك. الداعى ۋاقىتتا رەسەيمەن بىرلەسە باسقا دا جوسپارلاردى جۇزەگە اسىرامىز»، – دەدى.
رەسەي قورعانىس مينيسترلىگىنىڭ باسشىسى ماسكەۋ مەن مينسك بيىل اسكەري سالادا 130-عا جۋىق ءىسشارا وتكىزۋدى الدىن-الا جوسپارلاعانىن ايتتى. رەسەيدىڭ قورعانىس ءمينيسترى سەرگەي شويگۋ: «وكىنىشكە وراي، باعدارلاما تەك 30%-عا ورىندالدى. بىزگە جىل سوڭىنا دەيىن بۇل جوسپاردى كەم دەگەندە 70%-عا جەتكىزۋ كەرەك. ول ءۇشىن قازىر بولىپ جاتقان ىلىمدەردىڭ ەكىنشى كەزەڭىن قورىتىندىلايمىز. قازاندا كەلەسى بىرلەسكەن جاتتىعۋلار باستالادى»، – دەدى.
لۋكاشەنكو مەن ءپۋتيننىڭ سوچيدەگى كەزدەسۋىندە رەسەيدىڭ بەلارۋسكە 1,5 ميلليارد دوللار كولەمىندە مەملەكەتتىك نەسيە بەرەتىنى ءمالىم بولدى. كەلىسسوزدىڭ قورىتىندىسى بويىنشا، رەسەي-بەلارۋس شەكاراسىنا جاقىن ماڭداعى قۇقىق قورعاۋ ورگانى مەن ۇلتتىق گۆارديانىڭ رەزەرۆى «سلاۆيان باۋىرلاستىعى-2020» وقۋ-جاتتىعۋلارىنان كەيىن قايتا قۇرىلاتىنى ايتىلدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى