Körneki suret. Twrmıstıq-äleumettik jağdayı äbden älsirep, degradaciyağa wşırağan Qazaqstan qoğamında keyingi jıldarı äyelder men balalarğa qarsı jasalatın zorlıq-zombılıq äreketi köbeygen. Foto: www.vaticannews.va

QT  saualı ayasında Bas prokurotura qazaqstandıq otbasılarda jii kezdesetin zorlıq-zombılıq körsetu qılmısınıñ  kesirinen biıl kämelet jasına tolmağan 26 jetkinşek-bala zardap şekkenin mälimdedi. 

Eki jıl işinde respublika boyınşa twrmıstağı zorlıq-zombılıq ayıbı negizinde 1711 qılmıstıq qwqıq bwzuşılıq tirkeldi.

Bıltır bwl körsetkiş 1055 bolğan eken. Al biıl qañtar-tamız aralığında 656 jağday esepke alınğan.

Qazaqstannıñ Bas prokuraturasınıñ redakciyağa bergen jauabına qarağanda, 2019 jılı osı sipattağı qılmıstıñ saldarınan 1175 azamat japa şekken. Onıñ işinde 646 äyel, kämeletke tolmağan 47 jetkinşek-bala bar. Al biıl qañtardan bergi segiz ayda 615 adam jäbirlengen. Olardıñ 297-si äyel, 26-sı bala.

Qazaqstan qoğamında beleñ alğan twrmıstıq-otbasılıq älimjettik boyınşa 2019 jılı – 652, 2020 jıldıñ basınan beri – 235 is sotqa joldanğan. Bwdan özge ötken jılı 403, biıl 235 is taraptardıñ tatulasuına baylanıstı toqtatılğan.

Äleumettanuşı sarapşılardıñ aytuınşa, resmi statistika şınayı ahualdan äldeqayda alıs. Sebebi dästürli otbası institutınıñ eskiden qalıptasqan zañdılıqtarı boyınşa köptegen azamattardıñ bäri birdey osınday jağdayğa duşar bolsa da qwzırlı organdarğa jügine bermeydi. Arız tüsken künniñ özinde jergilikti policiya uçaskeleri bwğan wsaq-tüyek mäsele retinde qaraytındıqtan, is qozğap, şara qoldanuğa tırıspaydı. Osı faktorlardı esepke alsaq, «BWW-Äyelder» qorı mälimdegendey jılına otbasıdağı älimjettikten 400-dey äyel qaytıs boladı degen aşıq statistikanıñ şındıqqa jaqın ekenin añğaru qiın emes.

"The Qazaq Times"