Kanada prem'er-ministri Djastin Tryudo. Foto: https://www.actualites

Kanada prem'er-ministri Djastin Tryudo Parlament jwmısın 23 qırküyekke deyin toqtatu turalı şeşim şığardı. Ministrler kabinetiniñ basşısı Tryudo bwl jarlıqtı eldiñ general-gubernatorı Jyuli Peyetke joldadı.

Parlamenttik räsimderge säykes, palatalardıñ jwmısı toqtatılğan jağdayda, bwrın qarauğa engizilgen barlıq zañ jobaları joyıladı. Onıñ ornına jaña zañ, josparlar qaraladı. Tryudo mälimdemesinde: «Koronavirus pandemiyasınan keyingi ekonomikanı qalpına keltirudiñ wzaq merzimdi josparı qajet. Bwl jospardı jüzege asırudıñ alğaşqı qadamdarın 23 qırküyekte wsınamız. Bügin general-gubernatordan Parlamenttiñ jwmısın toqtata twrudı ötindim. Ekonomikası  jaña jospardı qajet etetin barlıq ükimet osınday qadam jasaydı», – dedi.

Aldağı uaqıtta Tryudo Parlament tarapınan senim dauısın aluı kerek. Eger dauıs jetkiliksiz bolsa, Kanadanı jaña saylau kütedi. Elde 2005 jıldıñ qaraşasında osınday jağday bolğan: Parlamenttiñ dauısın jinay almağan liberaldı prem'er-ministr Pol Martin otstavkağa ketuge jäne 2006 jıldıñ qañtarında ötken jaña saylaudı jariyalauğa mäjbür boldı.

Soñğı Kanada prem'er-ministri, 2006 jılğı saylauda jeñiske jetken konservator Stiven Harper 2013 jıldıñ qırküyeginde «taqtıñ sözi» erejesi boyınşa Parlamenttiñ jwmısın uaqıtşa toqtatu turalı şeşim qabıldağan. Bwğan deyin Tryudo Harperdi sayasi ayla-amaldarmen ayıptağan.

Keybir sarapşılardıñ pikirinşe, Djastin Tryudo Parlamenttiñ jwmısın toqtatu arqılı öziniñ bası dauğa ilikken «we Charity» qayırımdılıq qorınıñ aynalasındağı jemqorlıq janjalın toqtatqısı keledi. Osı manevrdiñ arqasında Senattıñ tergeu jürgizetin qarjı komitetiniñ qızmeti de toqtatıladı.

"The Qazaq Times"