AQŞ prezidenti Donal'd Tramp. Foto: https://gazeta

AQŞ-ta prezident saylauınıñ formatına özgerister engizilip, dauıs beru poşta arqılı ötui mümkin. Şildede senator Syuzan Kollins bastamasımen wsınılğan zañnamağa säykes pandemiyadan şığınğa batqan USPS poşta agenttigine qosımşa 25 mlrd AQŞ dolların bölu közdelgen. Biraq Donal'd Tramp pen respublikalıq partiya ökilderi bwğan tübegeyli qarsı.

Poşta arqılı dauıs beru jürgiziletin bolsa, saylau ädiletsiz ötedi deydi Tramp. 28 şildede AQŞ Bas prokurorı Uil'yam Barr Kongrestegi tıñdalımba qaraşadağı saylauda poştamen dauıs beru saylau nätijelerin bwrmalauı mümkin dep mälimdegen. Twitter paraqşasındağı jazbasında Tramp: «Men dauıs beru datasın özgertkim kelmeydi. Tek ädiletsiz ötken saylaudı körgim kelmeydi. Sebebi poşta arqılı dauıs beru üderisi qanşalıqtı şınayı ötedi eken? Soñında byulleten'der joğalıp, dauıstardı esepteu birneşe ayğa sozıluı mükmin. Men tek azamattarımızdıñ öz erkimen, qolındağı qwjatımen saylau uçaskelerine kelip tañdau jasağanın qalaymın», – dep jazğan.

Poşta arqılı dauıs berudiñ erejesi är ştattıñ zañına baylanıstı özgeredi. Mäselen, Kaliforniya, Nevada nemese YUta siyaqtı ştattarda dauıs beruşi retinde tirkelgen kez kelgen azamattıñ meken jayına dauıs beru byulleteni avtomattı türde jiberiledi. Al Tehas nemese Tennesi ştatınıñ twrğındarı poştamen tañdau jasau üşin dauıs beruge qatısa almaytındığınıñ sebebin tüsindirip, aldın ala ötinim toltıru qajet.

Bwğan deyin Donal'd Tramp saylau künin keyinge şegeru turalı wsınıs aytqan bolatın. Prezidenttiñ bwl oyı respublikalıqtar men demokrattar arasında qızu pikirtalas tudırdı. Negizinen AQŞ Konstituciyasına say prezidenttik saylaudı keyinge qaldıruğa tek Kongrestiñ ğana uäkilettiligi bar. Sonımen qatar Qwrama Ştattardıñ üş federaldı zañı dauıs beru küniniñ özgermeytinin şegelep eskertken. Negizgi data – qaraşanıñ alğaşqı seysenbisi. Bwl – tarihta 1845 jıldan beri qalıptasqan ereje.

"The Qazaq Times"