Armeniyada koronavirus indetine baylanıstı 2020 jıldıñ 16 naurızında jariyalanğan tötenşe jağday rejimi 11 qırküyekke deyin wzartıldı.

Armenpress agenttiginiñ habarlauınşa, Ükimettiñ kezekten tıs otırısında el prem'er-ministri Nikol Paşinyan osınday şeşim şığarğan.

Armeniyanıñ ükimet basşısı eldegi epidemiologiyalıq jağdaydı äli de kürdeli dep sanap, halıqtı bosañsımauğa şaqırıp otır. Ahual naşarlauı mümkin dep qauiptenip otırğan Nikol Paşinyan: «Elde soñğı uaqıtta bayqalğan oñ dinamika özimen birge jaysız jañalıqtar da äkeldi. Azamattar körsetkişterdiñ tömendeuinen epidemiyağa qarsı erejelerdi saqtamay, talaptardı bwza bastadı. Köptegen adamdar «koronavirustı jeñdik» dep te oylaydı. Biraq bwl müldem olay emes!», – dedi.

Qair elde 41 023 adamnan virus deregi anıqtalıp, 800-den astam nauqas qaytıs bolğan. Elde tötenşe jağday rejimi engizilgenmen, şeteldik azamattardıñ elge kiruine rwqsat etiledi. Sonday-aq belgili bir tauarlardıñ eksportına birqatar şekteuler, mitingter jäne qoğamdıq is-şaralar ötkizu mäseleleri qayta qaralmaq.

"The Qazaq Times"