Foto: The National Interest

BWW Qauipsizdik keñesi 6 säuir küni BAQ-qa bergen habarında, Soltüstik Koreyanıñ jaqında ballistikalıq zımırandardı wşıru isin qatañ ayıptap, Qauipsizdik keñesiniñ belgilemesin auır därejede bwzğanın sınğa aldı. Zımıranğa qarsı qwrlığınıñ Korey tübeginiñ qauipsizdigin saqtaudağı mañızdılığın quattadı. Sonımen birge Soltüstik Koreyağa Qauipsizdik keñesiniñ şeşimine tolıq moyınswnuı kerek degen eskertuin jasadı. Bwl turalı «Sina.News» habarlap otır.

BWW Qauipsizdik keñesiniñ bwl mälimdemesi, Korey tübegindegi zımıranğa qarsı «Sad» jüyesiniñ ornatıluına jasağan qoldauı dep sanauğa boladı. Al «Sad» jüyesiniñ ornatıluına qarsı Soltüstik Koreya, Qıtay, Resey üşin bwl şeşim wnay qoymaydı. Dese de, Qauipsizdik keñesi Soltüstik Şığıs Aziyadağı qayşılıqtı diplomatiyalı, beybit türde sayasi şeşimder wsına otırıp birjaqtılı etudi wsındı.

Soltüstik Koreyanıñ ballistikalıq zımırandar men quattı yadrolıq qaru sınaqtarın keñeytui Oñtüstik Koreya, Japoniya, AQŞ üşin asa qauipti boları sözsiz. AQŞ Soltüstik Koreyanı birden bir yadrolıq soğıs qaupin tudıruşı el dep sanaydı. Al Soltüstik Koreya AQŞ-tı Korey tübegin bölşekteuşi, Koreyağa qarsı swrqiya sayasat qoldanıp otırğan memleket dep biledi. Eki korey eliniñ arasındağı janjaldıñ arında AQŞ pen Qıtay otır. Tramp taqqa otırğalı beri, Japoniya Şığıs Aziyadağı AQŞ-tıñ tağı bir senimdi serigine aylanıp şığa keldi. Endi Soltüstik Koreya men Qıtay qatarına Reseydi tartıp otır.

Oñtüstik Koreya el azamattarınıñ bir böliminiñ qarsılıq şaralarına qaramastan, «Sad» zımıranğa qarsı jüyesin ornalastırudıñ soñğı jwmıstarın ayaqtau aldında twr. Qıtaydıñ tört negizgi äskeri bazalarınıñ üşeuin qamtitın bwl jüye ornatılsa, bolaşaq Qıtay wlı qwrlığınan köterilgen barlıq oq jolındıq raketalardı el şekarasınan şığarmay atıp tüsiruge qabletti.

“The Qazaq Times”