Kreml' AQŞ memlekettik hatşısı Pompeonıñ AQŞ pen Reseydiñ Qıtayğa qarsı birlesip jwmıs jasauı turalı wsınısın qabıldamadı. Resey prezidenti Vladimir Putinniñ ökili Mäskeu men Beyjiñ «erekşe seriktestik baylanıs» ornatqanın ayttı.

AQŞ-Qıtay sauda soğısı bastalğannan beri, äsirese jahandıq indetten keyin Tramp äkimşiligi Qıtay sauda, tehnologiya jäne äskeri mäseleler boyınşa AQŞ-qa qauip töndiredi dep sanaydı. Osı aydıñ basında AQŞ Federaldı Barlau Agenttiginiñ jetekşisi de Qıtaydı Qwrama Ştattarğa eñ ülken qauip töndiruşi dep atadı.

Financial Times basılımı AQŞ-tıñ Reseydi qarım-qatınastı jaqsartuğa şaqırıp jatqanın jazuda. Alayda, ötken aptada Qwrama Ştat biligi Resey men Qıtayğa qarsı odaq qwru turalı mälimdeme jasağan bolatın.

Resey prezidentiniñ baspasöz hatşısı Peskov ötken aptada Reseydiñ basqa elderge qarsı odaqtarğa qosılmaytındığın, barlıq reseylik sayasi odaqtardıñ «tatu körşilik jäne özara tiimdi qatınastardı damıtu» üşin ekenin aytqan. Ol sonımen birge Resey men Qıtaydıñ «tatu körşilik, seriktestik» baylanısı bar ekenin basa aytqan bolatın.

Osı aydıñ basında Resey SİM basşısı Sergey Lavrov AQŞ pen Qıtay arasındağı sauda soğısı Reseydiñ nemese basqa elderdiñ müddesine säykes kelmeytinin jetkizgen. Ol Beyjiñ men Uaşington ara-qatınası diplomatiyalıq arnalar arqılı şeşim tabuın ümit etken.

Qwrama Ştattardıñ odaq"Qıtayğa qarsı odaq" turalı wsınısı Mäskeu jağınan qoldau tappadı. Resey men Qıtaydıñ köp saladağı qarım-qatınası tığız. Prezident Putin öz mälimdemelerinde AQŞ-Qıtay qayşılığında beytarap qalu wstanımın söz emeurinimen bildirip keledi.

"The Qazaq Times"