AQŞ Federaldı Barlau agenttigi (FBA) jas öspirmderdiñ ömirin qorğau maqsatında tanımal "TikTok" qosımşasına qatıstı tergeu jwmıstarın jalğastıruda.

Aq üy birneşe ministrliktiñ qıtaylıq TikTok kompaniyasınıñ şetelge arnalğan qosmşasın tekserip jatqanın mälimdedi. AQŞ ükimeti TikTok kompaniyasın jas öspirmder qauipsizdigi turalı 2019 jılğı kelisimdi orındamadı dep ayıptaydı. Reuters agenttigi atalğan qıtaylıq kompaniyanıñ kelimdi bwzğanı turalı birneşe jağdaydı jariya eken. Soğan baylanıstı AQŞ Ädilet departamenti şaralar qabıldaytının mälimdegen

Mamırda onnan astam wyımnan TikToktıñ 13 jasqa deyingi qoldanuşılarğa şekteu qoymağandığı üşin şağımdar tüsken, olardıñ qatarında Demokratiyalıq sanaq ortalığı, CCFC (Kommerciyalıq balalar qwqğın qorğau) wyımdarı bar.

TikTok kompaniyası ökili barlıq qoldanuşılardıñ qauipsizdigin qamtamasız etetini jäne qosımşanı balalar qauipsiz paydalanuı üşin mümkindikter qarastırıp jatqanın ayttı. Qıtaylıq kompaniya ökili: «Biz eş uaqıtta paydalanuşılardıñ jeke aqparatın Qıtay ükimetine wsınğan emespiz jäne swrağan jağdayda da onday qadamğa barmaymız», – dep aqtaldı.

7 şilde küni prezident Tramp Gray TV arnasına bergen swhbatında TikTok jelisine şekteu qoyu mäselesi qarastırılıp jaqanın aytqan. Bwl turalı AQŞ memlekettik hatşısı M. Pompeo de rastağan edi. «Bwl mäsele boyınşa jwmıs alıp barıp jatqanımızğa wzaq uaqıt boldı» degen Pompeo.

"The Qazaq Times"