اقش فەدەرالدى بارلاۋ اگەنتتىگى (FBA) جاس وسپىرمدەردىڭ ءومىرىن قورعاۋ ماقساتىندا تانىمال "تيكتوك" قوسىمشاسىنا قاتىستى تەرگەۋ جۇمىستارىن جالعاستىرۋدا.

اق ءۇي بىرنەشە مينيسترلىكتىڭ قىتايلىق تيكتوك كومپانياسىنىڭ شەتەلگە ارنالعان قوسمشاسىن تەكسەرىپ جاتقانىن مالىمدەدى. اقش ۇكىمەتى تيكتوك كومپانياسىن جاس وسپىرمدەر قاۋىپسىزدىگى تۋرالى 2019 جىلعى كەلىسىمدى ورىندامادى دەپ ايىپتايدى. Reuters اگەنتتىگى اتالعان قىتايلىق كومپانيانىڭ كەلىمدى بۇزعانى تۋرالى بىرنەشە جاعدايدى جاريا ەكەن. سوعان بايلانىستى اقش ادىلەت دەپارتامەنتى شارالار قابىلدايتىنىن مالىمدەگەن

مامىردا وننان استام ۇيىمنان تيكتوكتىڭ 13 جاسقا دەيىنگى قولدانۋشىلارعا شەكتەۋ قويماعاندىعى ءۇشىن شاعىمدار تۇسكەن، ولاردىڭ قاتارىندا دەموكراتيالىق ساناق ورتالىعى، CCFC (كوممەرتسيالىق بالالار قۇقعىن قورعاۋ) ۇيىمدارى بار.

تيكتوك كومپانياسى وكىلى بارلىق قولدانۋشىلاردىڭ قاۋىپسىزدىگىن قامتاماسىز ەتەتىنى جانە قوسىمشانى بالالار قاۋىپسىز پايدالانۋى ءۇشىن مۇمكىندىكتەر قاراستىرىپ جاتقانىن ايتتى. قىتايلىق كومپانيا وكىلى: «ءبىز ەش ۋاقىتتا پايدالانۋشىلاردىڭ جەكە اقپاراتىن قىتاي ۇكىمەتىنە ۇسىنعان ەمەسپىز جانە سۇراعان جاعدايدا دا ونداي قادامعا بارمايمىز»، – دەپ اقتالدى.

7 شىلدە كۇنى پرەزيدەنت ترامپ Gray TV ارناسىنا بەرگەن سۇحباتىندا تيكتوك جەلىسىنە شەكتەۋ قويۋ ماسەلەسى قاراستىرىلىپ جاقانىن ايتقان. بۇل تۋرالى اقش مەملەكەتتىك حاتشىسى م. پومپەو دە راستاعان ەدى. «بۇل ماسەلە بويىنشا جۇمىس الىپ بارىپ جاتقانىمىزعا ۇزاق ۋاقىت بولدى» دەگەن پومپەو.

"The Qazaq Times"