Germaniya Ekinşi düniejüzilik soğıstan beri bolmağan dağdarıstı bastan keşip jatır. ARD telearnasına swhbat bergen kancler Angela Merkel' osılay dep mälimdedi.

Dağdarıstan şığu maqsatında 130 milliard euro bölinedi jäne Ükimet bizneske qoldau körsetedi. Merkel' sözinde: «Biz GFR tarihındağı eñ auır ekonomikalıq jağdaydı bastan keşirip jatırmız. Ekonomikanı ıntalandıru üşin köptegen şara qabıldanadı. Şağın men orta bizneske jäne mädeniet salasına kömek berudi közdep otırmız. Ekonomikanı tezirek qalpına keltiru üşin jartı jılğa qosılğan qwn salığınıñ mölşerin qısqartudı şeştik. Öytkeni salıqtı bäri töleydi ğoy. Bwl twtınuşılarğa da, jalpı bükil ekonomikağa oñ äserin tigizedi», – dedi.

Jospar boyınşa, karantinnen eñ qattı zardap şekken salalarğa, atap aytqanda turizm men qoğamdıq tamaqtanu salalarına järdem beriledi. Bwl maqsatqa 25 mlrd euro bölu qarastırılğan. Sonday-aq jartı jılğa qosılğan qwn salığınıñ mölşeri 19%-ten 16%-ke azaytıladı. Otbasıdağı är balağa 300 eurodan järdemaqı tölenedi. Ükimet biznes pen twrğındardıñ jağdayın jaqsartu üşin elektr quatınıñ bağasın da arzandatadı.

"The Qazaq Times"