Ötken küni Qazaqstanda 271 adamnan  koronavirus keseli anıqtalğanı belgili boldı.

Derttiñ ösimi 2,3% körsetti. Keysterdiñ eñ köbi Qarağandı (68), astana (55), Atırau oblısı (35) jäne Almatı qalasında (26), sonday-aq BQO (22), Almatı (21) oblıstarında tirkelgen. Jwqtıru jağdayı barlıq öñirden anıqtalğan.

3 mausım Qarağandı oblısınıñ 56 jastağı, Atırau öñiriniñ 56 jäne 69 jastağı twrğındarı, sonımen qosa 69 jastağı qaytıs bolğanı turalı qaralı habar aytıldı. Jaz mausımınıñ alğaşqı 3 küninde derttiñ tura äserinen 8 qazaqstandıq qwrban boldı.

Osılayşa elde eki jarım aydıñ işinde COVID-19 jwqtırğandar sanı 12 mıñnan asıp ketti. Naqtıraq aytqanda, nauqastar sanı jalpı  jiını 12 067-ge jetti. Onıñ jartısınan köbi (6240) auruınan ayığıp, sauığıp üyine jiberilgen desedi. Ökinişke qaray, resmi aqparat boyınşa, COVID-19 virusın jwqtırğan 48 adamnıñ jağdayı qiındap, qaytıs bolğan. Degenmen birqatar BAQ ökilderi (Informbyuro jäne Azattıq) ötken aptada Qazaqstanda virus jwqtırğan kem degende 72 adamnıñ qaytıs bolğanın anıqtap habarlağan edi.

Düniejüzine taralğan atı jaman auruğa şaldıqqan nauqastardıñ sanı boyınşa elimiz 49-orınğa şıqqan. Prezident Toqaev Twitter jelisindegi resmi paraqşasında virustıñ ekinşi tolqınınıñ tuu qaupine alañdaytının jazdı:

"Ükimettik komissiyanıñ barlıq is-äreketine qaramastan indetke şaldıqqan azamattarımız azaymay otır. Koronavirustıñ ekinşi tolqınınıñ qauipi seyilmegenin DDSW da rastadı. Otandastarımızdı jappay auruğa şaldığudan saqtanıp, indetten qorğanu amalın (araqaşıqtıqtı saqtau, dezinfekciya, jeke tazalıq, betperde tağu) wstanuğa tağı da şaqıramın", - deydi.

 

"The Qazaq Times"