Aqparat jäne qoğamdıq damu ministri Aida Balaeva «Qazmedia ortalığı» teleradiokeşenindegi jağdayğa baylanıstı tüsinikteme berip, eki qızmetkerinen koronavirus anıqtalğan ğimarattıñ qatañ karantin (ştattıq -red.) rejimine köşkenin habarladı.
Aida Balaeva instagram jelisindegi paraqşasında jazdı.
«Telearna basşılığınıñ bastaması boyınşa jürgizilgen testtiñ qorıtındısı oñ bolıp şıqtı. Qazir «Euraziya+ORT» JŞS ornalasqan «Qazmedia ortalığı» ğimaratında jwmıs epidemiyağa qarsı qatañ rejimge auıstırıldı. Koronavirus jwqqandarmen aralasqan adamdar anıqtalıp jatır. Olarmen jaqın aralasqan adamdar 14 künge üy karantinine jiberiledi» deydi ol.
Onıñ aytuınşa, ğimaratta jwmıs istegen barlıq qızmetkerler koronavirusqa test tapsıradı.
Jergilikti BAQ-tıñ habarlauınşa, «Qazmedia ortalığı» ğimaratında tötenşe jağday kezinde jäne qazir şamamen 500 qızmetker jwmıs istep jatır. Bwğan deyin «Euraziya» birinşi arnasınıñ eki tilşisinen koronavirus anıqtalğanı habarlanğan edi. Aşıq derekközderdegi mälimetter boyınşa, 22 qabattan twratın «Qazmedia ortalığı» teleradiokeşenine Qazaqstannıñ memlekettik ülesi bar telearnaları qaraydı. «Habar agenttigi» AQ, «Qazaqstan» RTRK», «Kazakh TV», «Mädeniet», «Balapan» telearnaları, «Mir» HTRK men «Euraziya+ORT» telekompaniyalarına qarastı arnalar 2012 jıldıñ qırküyek ayınan bastap teleradiokeşen ğimaratınan habar taratadı. Keşende odan basqa «Qazaq radiosı», «Şalqar» jäne «Astana» radioları ornalasqan.
Kosmetikalıq jañaru ädeti: «Amanat» pen «Ädiletti» qauışuı – sayasi jañaru ma, älde nomenklaturalıq kamuflyaj ba?
Ormuz dağdarısı jäne köppolyarlı älemniñ tuuı: «Qırği qabaq soğıstan» da qauipti jaña teketires
Almasbek Sadırbay isi: Qonaev sotında BAQ-qa qoyılğan şekteu küşinde qaldı
Almasbek Sadırbay isi: Aşıq sot pa, älde jabıq baqılau ma?
Iran äskeri elitasınıñ joyıluı: soğıstıñ jaña kezeñi
Hameneiden keyingi Iran: bilik tranziti men soğıs köleñkesindegi el