اقپارات جانە قوعامدىق دامۋ ءمينيسترى ايدا بالاەۆا «قازمەديا ورتالىعى» تەلەراديوكەشەنىندەگى جاعدايعا بايلانىستى تۇسىنىكتەمە بەرىپ، ەكى قىزمەتكەرىنەن كوروناۆيرۋس انىقتالعان عيماراتتىڭ قاتاڭ كارانتين (شتاتتىق -رەد.) رەجيمىنە كوشكەنىن حابارلادى.
ايدا بالاەۆا instagram جەلىسىندەگى پاراقشاسىندا جازدى.
«تەلەارنا باسشىلىعىنىڭ باستاماسى بويىنشا جۇرگىزىلگەن تەستتىڭ قورىتىندىسى وڭ بولىپ شىقتى. قازىر «ەۋرازيا+ورت» جشس ورنالاسقان «قازمەديا ورتالىعى» عيماراتىندا جۇمىس ەپيدەمياعا قارسى قاتاڭ رەجيمگە اۋىستىرىلدى. كوروناۆيرۋس جۇققاندارمەن ارالاسقان ادامدار انىقتالىپ جاتىر. ولارمەن جاقىن ارالاسقان ادامدار 14 كۇنگە ءۇي كارانتينىنە جىبەرىلەدى» دەيدى ول.
ونىڭ ايتۋىنشا، عيماراتتا جۇمىس ىستەگەن بارلىق قىزمەتكەرلەر كوروناۆيرۋسقا تەست تاپسىرادى.
جەرگىلىكتى باق-تىڭ حابارلاۋىنشا، «قازمەديا ورتالىعى» عيماراتىندا توتەنشە جاعداي كەزىندە جانە قازىر شامامەن 500 قىزمەتكەر جۇمىس ىستەپ جاتىر. بۇعان دەيىن «ەۋرازيا» ءبىرىنشى ارناسىنىڭ ەكى تىلشىسىنەن كوروناۆيرۋس انىقتالعانى حابارلانعان ەدى. اشىق دەرەككوزدەردەگى مالىمەتتەر بويىنشا، 22 قاباتتان تۇراتىن «قازمەديا ورتالىعى» تەلەراديوكەشەنىنە قازاقستاننىڭ مەملەكەتتىك ۇلەسى بار تەلەارنالارى قارايدى. «حابار اگەنتتىگى» اق, «قازاقستان» رترك», «Kazakh TV», «مادەنيەت», «بالاپان» تەلەارنالارى، «مير» حترك مەن «ەۋرازيا+ورت» تەلەكومپانيالارىنا قاراستى ارنالار 2012 جىلدىڭ قىركۇيەك ايىنان باستاپ تەلەراديوكەشەن عيماراتىنان حابار تاراتادى. كەشەندە ودان باسقا «قازاق راديوسى», «شالقار» جانە «استانا» راديولارى ورنالاسقان.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى