Belgili jurnalist Beysen Qwranbek ömirden ozdı. Foto: aşıq derekköz

Düysenbi, mamırdıñ 18 küni tañerteñ Taldıqorğan qalasınan qazaq halqına tanımal jurnalist-ağa Beysen Qwranbek auır nauqastan qaytıs bolğanı jöninde suıt habar keldi.

Qazaqstandıq belgili telejürgizuşi, wlttıq arnanıñ efirinde bügingi qazaqtıñ galereyasın boyamasız körsete bilgen "Jetisu" telearnasınıñ direktorı Beysen Qwranbek 49 jasqa qarağan şağında dünieden ötti.

1971 jılı Almatı oblısınıñ Kerbwlaq audanı, Qızıljar auılında tuğan Beysen Qwranbek äl-Farabi atındağı Qazaq wlttıq universitetinde bilim alğan.  Eñbek jolın respublikalıq  "Sport" gazetinde, "Rahat", "31 arna", "Habar", Prezident teleradiokeşeninde qızmet atqarğan. 2007-2012 jıldarı Almatı oblıstıq «Jetisu» telearnasınıñ bas direktorı boldı.

2013-17 jıldarı "Qazaqstan" telearnasında "Aytuğa oñay" äleumettik-twrmıstıq tok-şouınıñ jürgizuşisi boldı. 2017 jıldıñ qırküyek ayınan bastap "Qareket" bağdarlamasın jürgizgen. Onıñ bağdarlamalarında halıqtıñ äleumettik mäseleleri talqılandı, Beysen Abaywlınıñ özi tanımal telejürgizuşige aynaldı.

30 jılğa juıq BAQ salasında eñbek etken "Qazaqstan prezidenti sıylığınıñ iegeri" (2006 jıl), "QR Mädeniet qayratkeri" ataqtarımen marapattalğan. Altı alaşqa esimi ayaulı, beynesi jarqın ağa-jurnalistiñ jaqın tuıstarı men Qazaqstan halqına qabırğamız qayısıp, qayğıra otırıp köñil aytamız.

;feature=emb_title

Özin "jurnalistikanıñ berilgen jauıngeri, eñ ülken bağa - halıqtıñ ıqılası" dep sanaytın mädeniet qayratkeriniñ soñğı beyne swqbattarınıñ biri.

"The Qazaq Times"