دۇيسەنبى، مامىردىڭ 18 كۇنى تاڭەرتەڭ تالدىقورعان قالاسىنان قازاق حالقىنا تانىمال جۋرناليست-اعا بەيسەن قۇرانبەك اۋىر ناۋقاستان قايتىس بولعانى جونىندە سۋىت حابار كەلدى.
قازاقستاندىق بەلگىلى تەلەجۇرگىزۋشى، ۇلتتىق ارنانىڭ ەفيرىندە بۇگىنگى قازاقتىڭ گالەرەياسىن بوياماسىز كورسەتە بىلگەن "جەتىسۋ" تەلەارناسىنىڭ ديرەكتورى بەيسەن قۇرانبەك 49 جاسقا قاراعان شاعىندا دۇنيەدەن ءوتتى.
1971 جىلى الماتى وبلىسىنىڭ كەربۇلاق اۋدانى، قىزىلجار اۋىلىندا تۋعان بەيسەن قۇرانبەك ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم العان. ەڭبەك جولىن رەسپۋبليكالىق "سپورت" گازەتىندە، "راحات", "31 ارنا", "حابار", پرەزيدەنت تەلەراديوكەشەنىندە قىزمەت اتقارعان. 2007-2012 جىلدارى الماتى وبلىستىق «جەتىسۋ» تەلەارناسىنىڭ باس ديرەكتورى بولدى.
2013-17 جىلدارى "قازاقستان" تەلەارناسىندا "ايتۋعا وڭاي" الەۋمەتتىك-تۇرمىستىق توك-شوۋىنىڭ جۇرگىزۋشىسى بولدى. 2017 جىلدىڭ قىركۇيەك ايىنان باستاپ "قارەكەت" باعدارلاماسىن جۇرگىزگەن. ونىڭ باعدارلامالارىندا حالىقتىڭ الەۋمەتتىك ماسەلەلەرى تالقىلاندى، بەيسەن ابايۇلىنىڭ ءوزى تانىمال تەلەجۇرگىزۋشىگە اينالدى.
30 جىلعا جۋىق باق سالاسىندا ەڭبەك ەتكەن "قازاقستان پرەزيدەنتى سىيلىعىنىڭ يەگەرى" (2006 جىل), "قر مادەنيەت قايراتكەرى" اتاقتارىمەن ماراپاتتالعان. التى الاشقا ەسىمى اياۋلى، بەينەسى جارقىن اعا-ءجۋرناليستىڭ جاقىن تۋىستارى مەن قازاقستان حالقىنا قابىرعامىز قايىسىپ، قايعىرا وتىرىپ كوڭىل ايتامىز.
;feature=emb_titleءوزىن "جۋرناليستيكانىڭ بەرىلگەن جاۋىنگەرى، ەڭ ۇلكەن باعا - حالىقتىڭ ىقىلاسى" دەپ سانايتىن مادەنيەت قايراتكەرىنىڭ سوڭعى بەينە سۇقباتتارىنىڭ ءبىرى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى