AQŞ Düniejüzilik densaulıq saqtau wyımın qarjılandırudı toqtattı. Bwnday şeşimdi AQŞ prezidenti Donal'd Tramp jariya etti. Onıñ aytuınşa atalğan wyım koronavirus pandemiyasın toqtata almadı.

"Şındıq solay, Düniejüzilik densaulıq saqtau wyımı mälimetti jeterlik ala almadı, teksermedi jäne onı der uağında aşıq tarata alğan joq", - dedi prezident Tramp. Sonday-aq, Tramptıñ aytuınşa älem elderi anıq mälimetter men qauipti jağdayğa qarsı şaralar turalı DSW-ğa mwqtaj kezde wyım öz mindetin atqara almadı, elder öz betimen şara köruine tura kelgen. "DSW öz mindetin atqara alğan joq jäne jauapqa tartıluı kerek", - dedi AQŞ prezidenti.

Aq üydegi soñğı baspasöz jiını. Foto:NBC.

Aq üy basşısınıñ aytuınşa, BWW agenttigi Qıtaydıñ bwrmalanğan mälimetin tekserusiz taratqandıqtan epidemiyanıñ jağdayı osınşalıq auır bolğan. Bwl ayıptaudan keyin Qıtaydıñ bwrmalanğan mälimetteri men DSW-nıñ baylanısın jäne virustıñ Qıtaydan tıs älemge taraluına atalmış wyımnıñ jauapkerşiligin tolıq anıqtamayınşa AQŞ densaulıq saqtau jönindegi halıqaralıq wyımdı qarjılandırudı toqtatadı.

Qwrama Ştattar DSW üşin eñ bastı qarjı bwlğı bolıp kegen. Bıltırdıñ özinde wyımğa 400 mln AQŞ dolların bölip, wyım byudjetiniñ 15 payızın ielegen edi. Biraq, aytpay ketuge bolmaydı, AQŞ-tıñ bwl wyımğa şüyligiune Uaşington men Beyjiñ arasındağı diplomatiyalıq janjaldardıñ da özindik ıqpalı bar.

"The Qazaq Times"