اقش دۇنيەجۇزىلىك دەنساۋلىق ساقتاۋ ۇيىمىن قارجىلاندىرۋدى توقتاتتى. بۇنداي شەشىمدى اقش پرەزيدەنتى دونالد ترامپ جاريا ەتتى. ونىڭ ايتۋىنشا اتالعان ۇيىم كوروناۆيرۋس پاندەمياسىن توقتاتا المادى.

"شىندىق سولاي، دۇنيەجۇزىلىك دەنساۋلىق ساقتاۋ ۇيىمى مالىمەتتى جەتەرلىك الا المادى، تەكسەرمەدى جانە ونى دەر ۋاعىندا اشىق تاراتا العان جوق", - دەدى پرەزيدەنت ترامپ. سونداي-اق، ترامپتىڭ ايتۋىنشا الەم ەلدەرى انىق مالىمەتتەر مەن قاۋىپتى جاعدايعا قارسى شارالار تۋرالى دسۇ-عا مۇقتاج كەزدە ۇيىم ءوز مىندەتىن اتقارا المادى، ەلدەر ءوز بەتىمەن شارا كورۋىنە تۋرا كەلگەن. "دسۇ ءوز مىندەتىن اتقارا العان جوق جانە جاۋاپقا تارتىلۋى كەرەك", - دەدى اقش پرەزيدەنتى.

اق ۇيدەگى سوڭعى ءباسپاسوز جيىنى. فوتو:NBC.

اق ءۇي باسشىسىنىڭ ايتۋىنشا، بۇۇ اگەنتتىگى قىتايدىڭ بۇرمالانعان مالىمەتىن تەكسەرۋسىز تاراتقاندىقتان ەپيدەميانىڭ جاعدايى وسىنشالىق اۋىر بولعان. بۇل ايىپتاۋدان كەيىن قىتايدىڭ بۇرمالانعان مالىمەتتەرى مەن دسۇ-نىڭ بايلانىسىن جانە ۆيرۋستىڭ قىتايدان تىس الەمگە تارالۋىنا اتالمىش ۇيىمنىڭ جاۋاپكەرشىلىگىن تولىق انىقتامايىنشا اقش دەنساۋلىق ساقتاۋ جونىندەگى حالىقارالىق ۇيىمدى قارجىلاندىرۋدى توقتاتادى.

قۇراما شتاتتار دسۇ ءۇشىن ەڭ باستى قارجى بۇلعى بولىپ كەگەن. بىلتىردىڭ وزىندە ۇيىمعا 400 ملن اقش دوللارىن ءبولىپ، ۇيىم بيۋدجەتىنىڭ 15 پايىزىن يەلەگەن ەدى. بىراق، ايتپاي كەتۋگە بولمايدى، اقش-تىڭ بۇل ۇيىمعا شۇيلىگىۋنە ۋاشينگتون مەن بەيجىڭ اراسىنداعى ديپلوماتيالىق جانجالداردىڭ دا وزىندىك ىقپالى بار.

"The Qazaq Times"