Ötken aptada talqılanğan taqırıptardıñ biri eks prezident, qauipsizdik keñesiniñ törağası Nwrswltan Nazarbaevtiñ biraz uaqttan beri jwrt aldına şıqpağanına baylanıstı qızu talqı boldı. Osığan oray eks prezidenttiñ baspasöz hatşısı Aydos Ükibay arnayı tüsinikteme jasadı.

10 naurızdağı Mäskeu saparınan soñ eks prezidentti körmegenderin aytqan jwrt är türli boljamdar jasap jatır. Solardıñ biri demokratiyalıq partiyanıñ jetekşisi Janbolat Mamay «Elde osınday qiınşılıqtar bastalğan şaqta Nwrswltan Nazarbaev joq bolıp ketti. Ol nege joq bolıp ketti? Bwl endi ünemi sol Nazarbaevtiñ özine tän qasiet! ...elde ırdu-dırdu bastalıp ne bolmasa bir qiın jağday bolğan kezde Nwrswltan Nazarbev ünemi joğalıp ketedi. Mısalğa 2006 jılı «Şañıraq uaqiğası» orın aldı. Sol uaqiğa twsında Nwrswltan Nazarbaev elde bolğan joq. Odan keyin talay uaqiğalar orın aldı. Ärtürli osınday uaqiğalar orın alğan twsta Nazarbaev eş uaqıtta halıqtıñ aldına şıqpaydı. Eş uaqıtta eldiñ aldında bolmaydı...» dese, älem jeliniñ aytamandarı «Körinbese – «qayda ketti?» Şığa kelse –«şal ket!». Ündemese – «ölip qaldı» Söylese – «aljığan qaqpas». Bwl ne, ol kim?» dep jwmbaqqa aynaldırsa «Sap-sau, senbeseñder äkimnen swrañdar! Äkimder endi kezekpen şığıp, densaulığı keremet, jaña ğana söylestim degen post şığa bastaydı» dep jatqandar da bar.

Osınday qızıp twrğan türli pikirlerge tüsinikteme retinde eks prizdenttiñ baspasöz hatşısı Aydos Ükibay: Nazarbevtiñ birqatar aymaq basşılarımen telefon arqılı söylesip tötenşe jağday kezinde halıqtıñ qauipsizdigin qamtamasız etudiñ özekti mäselelerin talqılağanın, äri qatañ karantin jağdayına baylanıstı Nazarbaevtıñ jwmıs kabinetine adam kirui şektelui kerek ekenin ayta kelip älem jelidegi «Nazarbev tiri me?» degenderge qarata qauesetterge tüsinikteme bermeytinin, «Al kimde-kim kümändansa, onda keşe Elbası söylesken kez kelgen äkimnen bwl turalı swrauğa boladı", - dedi.

Sonday-aq baspasöz hatşısı eldegi engizilgen barlıq şekteuler alınğanda, Birinşi Prezidenttiñ qatısuımen ötetin jwmıs kezdesuinen nemese keñesten beynejazba jasaytının da ayttı.

"The Qazaq Times"