Aqın Amanhan Älimwlı. Foto: Aygül Hojantaeva/Baribar.kz

Bügin belgili aqın, qazaq äbietiniñ körnekti ökili, jurnalist Amanhan Älimwlı 68 jasında qaytıs boldı. 

Amanhan Älimwlı 1952 jılı Türkistan oblısı, Otırar audanı, Qojatoğay auılında düniege kelgen. Qazaq wlttıq universitetin (1980), M.Gor'kiy atındağı bükilodaqtıq Ädebiet institutınıñ joğarğı kursın (1993) bitirgen. "Qazaq ädebieti", "Türkistan", "Zañ" gazetterinde qızmet istegen. 2012-2020 jıldar aralığında "Aqiqat" jurnalınıñ bas redaktorı qızmetin atqarğan. Biıl  qañtardan beri "Aqiqat" jurnalınıñ şoluşısı bolıp qızmet etti.

Ol qazaq ädebi sın janrınıñ damuına üles qostı. Qazaq poeziyasında özindik qoltañbasımen erekşelendi, jurnalistikada ädebi, tanımdıq jäne sayasi-äleumettik mäseleler boyınşa zertteulerimen tanıldı. Mwqağali Maqataev atındağı ädebiet sıylığımen, 2019 jılı "Qwrmet" ordenimen marapattalğan.

"Kezdesu", "Janımnıñ japırağı" (1989), "Ay nwrı alaqanımda" (1996) jır jinaqtarınıñ avtorı. Soñğı jıldarı "Mahabbatım meniñ", "Janımnıñ japırağı", "Bes qoñırau", "Kezdesu", "Ötkirdiñ jüzi" attı publicistikalıq jäne öleñder jinağı jarıq körgen.

Auır qazağa baylanıstı redakciya atınan qazaq ädebieti men baspasöziniñ oqırmandarına jäne aqınnıñ jaqın tuıstarına qayğıra köñil aytamız!

Qalamgerdiñ soñğı swqbattarınıñ biri:

"The Qazaq Times"