Körneki suret

Düniejüzilik sauda wyımınıñ basşısı Roberto Azevedo koronavirus pandemiyasınan keyin älemdi iri ekonomikalıq dağdarıs kütip twr degen boljam jasadı.

Onıñ pikirinşe, dert tolığımen joyılğan uaqıtta 2008 jıldağıdan da auır qarjılıq dağdarıs orın aluı mümkin jäne bwğan jahannıñ birde bir eli tötep bere almaydı.

Azevedo sözinde: «Pandemiya älem elderiniñ äkonomikasına auır soqqı boladı. Jwmıssızdıq beleñ alıp, sauda-satıq twralap qaladı. Boljam boyınşa, tipti osıdan 12 jıl bwrın bolğan qarjı dağdarısınan da auır bolmaq. Qanşalıqtı damığan el bolsa da dağdarıstıñ äserin sezedi. Tığırıqtan şığudıñ bir jolı, sauda jasap, qajetti tauar men qızmetti jetkizu bolıp otır. Sondıqtan medicinalıq dağdarıs ayaqtalğannan keyin älem elderiniñ bir-birine alıs-berisiniñ nätijesinde ğana köptegen memleket ekonomika twrğısınan es jinaytın boladı», – dedi.

Mamandar bwl qiındıqtı memleketter özara sauda ıntımaqtastıqtı nığaytıp, investiciyalıq aynalım arqılı ğana jeñe aladı deydi.

Ayta keteyik, älemde 470 mıñnan astam adam qaterli virusqa şaldıqqan. Sonday-aq 21 mıñnan astam nauqas köz jwmsa, 114 mıñday adam dertinen ayıqtı.

"The Qazaq Times"