OneWeb britandıq kompaniyası ötken aptada «Bayqoñır» ğarış aylağınan ğalamdıq internet-baylanıstı qamtamasız etuge arnalğan tarihtağı eñ auqımdı jobanı jüzege asıru üşin öz serikteriniñ kezekti partiyasın ğarışqa jiberdi.

OneWeb startapınıñ negizgi ideyası jerdi jerseriktik baylanıspen tolıq qamtıp, älem elderin keñjolaqtı ğalamtormen qamtamasız etu bolıp sanaladı. Äsirese, bwl joba ğalamtor jüyesi damımağan kedey elder men äleumettik jeli bilik tarapınan cenzurağa wşıraytın memleketterge qatıstı.

Jospardı jüzege asıru üşin 600-ge juıq jerserikti iske qosu közdelip otır, onıñ 74-i ğarışqa wşırıldı. Tağı 60 jerserik orbitada rezerv retinde qoldanıladı. Joba investorları – Airbus Group, Virgin Group, Coca-Cola, Qualcomm Inc siyaqtı iri kompaniyalar.

Eger jospar nätijeli bolsa, auıldıq jerlerde de, ğalamşardıñ eñ şalğay audandarında da internet jıldamdığı sekundına 10 terabitke jetedi. Negizinen OneWeb ğalamğa ortaq internet jüyesin qolğa alğan jalğız kompaniya emes. Atalğan britandıq kompaniyanıñ bastı bäsekelesi retinde käsipker Ilona Masktıñ Starlink jobası men Amazon kompaniyasınıñ basşısı Djeff Bezosqa tiesili Kuiper jüyesi sanaladı.

OneWeb basşısı Andrian Stekel' älemdik pandemiyağa aynalğan koronavirusqa qaramastan bwl jospardı 2021 jıldıñ törtinşi toqsanına deyin, yağni bäsekelesterinen bwrın ayaqtaymız deydi.

"The Qazaq Times"