Körneki suret. Foto: aşıq derekköz

Eñbek jäne halıqtı äleumettik qorğau ministrligine qarastı Eñbek, äleumettik qorğau jäne köşi-qon komitetiniñ törağası Erbol Nwrğaliev qızmet barısı qaşıqtıqtan atqaru formatına auısqan jäne toqtağan azamattardıñ eñbekaqı tölemi turalı habaradı.

Komitet törağasınıñ sözinşe, bas sanitar därigeriniñ qaulısına säykes karantinge alınğan azamattarğa «eñbekke jaramsızdıq qağazı» beriledi.

Eñ köp swraq tuğızıp otırğan mäsele «öndiristi toqtata twru kezindegi qızmetkerlerdiñ eñbekaqısı». TJ-ğa baylanıstı keybir käsipkerler öz jwmısın toqtatuğa mäjbür bolıp otır.

– Eñbek kodeksindegi 112-babına säykes, «jwmıs beruşi men jwmıskerge qatıssız sebeppen process toqtağan jağdayda aqı töleu jalaqınıñ eñ tömengi mölşerinen kem bolmaytın deñgeyde bekitilgen. Eñbek şartında bwl qarastırılğan bolsa, odan da joğarı tölenui şart». Demek eñbek küniniñ eñ kem tölemi tölenui tiis.  138-bapqa baylanıstı «jwmıs barısı qaşıqtıqtan atqaruğa auısqan kezde tölem jwmıs beruşiniñ bwyrığımen belgilenedi», – dedi eñbek ministrliginiñ ökili Nwrğaliev.

Dese de payızdıq mölşer men tölem kölemi turalı naqtı sandıq mälimetter aytılmadı.

"The Qazaq Times"