Körneki suret. Foto: aşıq derekköz

Almatı qalasındağı tauarlar men körsetiletin qızmetterdiñ sapası men qauipsizdigin baqılau komitetiniñ  bas sanitar därigeri Ayzat Moldaqasımova koronavirus küdigimen karantinge alındı.

Bwl jöninde onıñ orınbasarı Äsel Halıqova habarladı.

Qalalıq tauarlar men körsetiletin qızmetterdiñ sapası men qauipsizdigin baqılau komiteti törağasınıñ orınbasarı Halıqova:

«Ayzat Moldaqasımova Frankfurt-na-Mayne reysinde wşqan. Sonda borttağı koronavirus jwqtırğan nauqaspen baylanısta bolğan. Ayzat öz betinşe oqşaulanğan edi. Analiz qorıtındısı virustı teristegen soñ üyine jiberilip, telefon arqılı baqılauğa alındı», – dep mälimdedi.

Bwğan deyin Qazaqstanda 6 adam koronavirus jwqtırğanı resmi türde rastalğan. Vedomstvonıñ mälimetinşe, bügin QHR-dan jäne şekaralas memleketterden kelgen azamattarğa monitoring jalğasıp jatır. Barlıq sanattar boyınşa monitoringke 2 mıñ 272 adam alındı, onıñ işinde 1 "a" sanatı boyınşa – 1 mıñ 438, 1 "b" sanatı boyınşa – 475, 2 sanatı boyınşa – 359 adam. Monitoringke alınğan 2 mıñ 272 adamnıñ 380-ine baqılau toqtatıldı. 14 naurızdağı jağday boyınşa barlığı 1 mıñ 892 adamğa monitoring jürgizude.

"The Qazaq Times"