AQŞ prezidenti Donal'd Tramp koronavirusqa baylanıstı wlttıq deñgeyde tötenşe jağday jariyaladı.

Vloomberg halıqaralıq aqparat agenttiginiñ dereginşe, AQŞ-ta bügingi jağday boyınşa atalğan dertke 2117 adam şaldıqsa, 49 nauqas köz jwmğan. Al älem köleminde 5131 adam koronavirustan qaytıs bolıp, 140 mıñday adamğa jwğıp ülgergen. Eñ köp qaza bolğandar sanı Uaşiğton ştatında 37 ölim tirkelgen.

Onıñ aytuınşa, virustı anıqtaytın sınaq öndirisin jıldamdatu üşin federaldı ükimet jeke biznespen äriptestik ornatıp, birge jwmıs isteydi. Tramp koronavirustı anıqtaytın şamamen 5 mln test şığarudı josparlap otırğanın ayttı. Tötenşe jağday ayasında şaralardı jüzege asıruğa 50 mlrd dollar bölinedi.

"Eñ bastısı - virustıñ zardabın şekteu" dedi Tramp. Ol mwnday kürdeli kezeñniñ sozılmalı auruğa şaldıqqan egde jastağı adamdarğa auır tietinin ayttı.

13 naurız küngi baspasöz jiınında bağdarlamanı jüzege asıru merzimi aytılğan joq, biraq onı tezirek orındau qajettiligi aytıldı.

Jiında pandemiyanıñ wzaqtığı turalı swraqqa jauap bergen därigerlerdiñ biri "qanday da bir boljam jasau qiın, biraq eger virustıñ qalay äreket etetinin bayqasañızdar, şamamen jeti apta boyı küşeyedi de, sosın onıñ küşi azayadı. Virustı şarıqtau şegine jetkizbes üşin äreket qılamız" dedi.

Azattıqtıñ aytuınşa, tötenşe jağday 1988 jılı qabıldanğan Stafford zañına säykes engiziledi. Bwl zañ prezidentke jalpıwlttıq tötenşe jağday engizip, onıñ saldarın joyuğa tötenşe jağday jönindegi federaldıq agenttik qorınan byudjet bölgizuge mümkindik beredi. Zañ sirek qoldanıladı. 2000 jılı prezident Bill Klinton elde bezgek auruınıñ taraluına baylanıstı tötenşe jağday jariyalağan.

;feature=emb_title

Saqbek Mayya

"The Qazaq Times"