Tramp mälimdeme jasadı. Foto: BBC.

Amerika Qwrama Ştattarı Europa elderi üşin şekarasın japtı. AQŞ prezidenti Donal'd Tramp bwnı koronavirusqa qarsı qatañ şaralardıñ biri dep tüsindirdi.

Prezident Tramp mälimdemesinde barlıq Europalıq elderge AQŞ şekarası 30 künge jabılatını aytılğan. Bwğan Europada koronavirustıñ öte jıldam taralıp bara jatqanı sebep bolğan. Biraq, bwl şekteuden Britaniya tıs qaldı. Qazirge deyin ağılşın elinde 460 adamnıñ virusqa şaldıqqanı mälim bolğan bolatın.

Mälimdemesinde Tramp Europanı virusqa qarsı jeterlik dayındıq körgen joq dep te sınğa alğan. Şekteu erejelerinde AQŞ-qa kirmekşi bolğan özge memleket azamattarı soñğı 14 kün işinde Europada bolğan bolsa el şekarasına kirgizbeu turalı da aytıladı.

AQŞ prezidentiniñ boljauınşa indet jağdayı ekonomikağa auır soqqı jasaydı, sondıqtan Kongresti zardap şekken käsipkerlerge milliardtağan dollar köleminde nesie beru, jalaqığa salınan salıqtı uaqıtşa toqtatuğa şaqırıp otır.

AQŞ-tağı Allergiya jäne jwqpalı aurular institutınıñ jetekşisi Antoni Fauci Korngreske jasağan mälimdemesinde indet jağdayı bwdan da auır bola tüsui mümkin ekenin aytqan. Qwrama Ştattıñ qiınşılığı indet kezinde eldegi medicinalıq jabdıqtar men qızmettiñ qımbat boluı. Osığan baylanıstı Tramp äkimşiligi virusqa şaldıqqandardıñ medicinalıq şığının saqtandıru kompaniyalarına jüktedi.

“The Qazaq Times”