كوروناۆيرۋس: اقش ەۋروپاعا شەكاراسىن جاپتى

امەريكا قۇراما شتاتتارى ەۋروپا ەلدەرى ءۇشىن شەكاراسىن جاپتى. اقش پرەزيدەنتى دونالد ترامپ بۇنى كوروناۆيرۋسقا قارسى قاتاڭ شارالاردىڭ ءبىرى دەپ ءتۇسىندىردى.

پرەزيدەنت ترامپ مالىمدەمەسىندە بارلىق ەۋروپالىق ەلدەرگە اقش شەكاراسى 30 كۇنگە جابىلاتىنى ايتىلعان. بۇعان ەۋروپادا كوروناۆيرۋستىڭ وتە جىلدام تارالىپ بارا جاتقانى سەبەپ بولعان. بىراق، بۇل شەكتەۋدەن بريتانيا تىس قالدى. قازىرگە دەيىن اعىلشىن ەلىندە 460 ادامنىڭ ۆيرۋسقا شالدىققانى ءمالىم بولعان بولاتىن.

مالىمدەمەسىندە ترامپ ەۋروپانى ۆيرۋسقا قارسى جەتەرلىك دايىندىق كورگەن جوق دەپ تە سىنعا العان. شەكتەۋ ەرەجەلەرىندە اقش-قا كىرمەكشى بولعان وزگە مەملەكەت ازاماتتارى سوڭعى 14 كۇن ىشىندە ەۋروپادا بولعان بولسا ەل شەكاراسىنا كىرگىزبەۋ تۋرالى دا ايتىلادى.

اقش پرەزيدەنتىنىڭ بولجاۋىنشا ىندەت جاعدايى ەكونوميكاعا اۋىر سوققى جاسايدى، سوندىقتان كونگرەستى زارداپ شەككەن كاسىپكەرلەرگە ميللياردتاعان دوللار كولەمىندە نەسيە بەرۋ، جالاقىعا سالىنان سالىقتى ۋاقىتشا توقتاتۋعا شاقىرىپ وتىر.

اقش-تاعى اللەرگيا جانە جۇقپالى اۋرۋلار ينستيتۋتىنىڭ جەتەكشىسى انتوني فاۋتسي كورنگرەسكە جاساعان مالىمدەمەسىندە ىندەت جاعدايى بۇدان دا اۋىر بولا ءتۇسۋى مۇمكىن ەكەنىن ايتقان. قۇراما شتاتتىڭ قيىنشىلىعى ىندەت كەزىندە ەلدەگى مەديتسينالىق جابدىقتار مەن قىزمەتتىڭ قىمبات بولۋى. وسىعان بايلانىستى ترامپ اكىمشىلىگى ۆيرۋسقا شالدىققانداردىڭ مەديتسينالىق شىعىنىن ساقتاندىرۋ كومپانيالارىنا جۇكتەدى.

“The Qazaq Times”