Foto: ustinka.kz

Äzerbayjan men Armeniya arasındağı daulı jer – Qarabaq mäselesine baylanıstı eki taraptıñ da ortaq bitimge kele qoyğısı joq. Osını eskergen BWW beybit kelissözderdi qayta bastau kerektigin quattap otır. Bwl turalı “Fars” baspasözinde aytıldı.

Äzerbayjan respublikası men Armeniyanıñ daulı jerlerine qatıstı araptar Qarabaq beybit kelissözderine asa ınta tanıtpay otırğan jağdaydağ BWW beybit kelissözderdi qayta bastau qajettigin quattadı.

BWW Bas hatşısınıñ resmi ökili Farhan Haq: «Juırda Europadağı qauipsizdik jäne ıntımaqtastıq wyımına qarastı Minsk tobınıñ Äzerbayjan respublikası men Armeniya arasında qayşılıqtı beybit jolmen şeşu turalı mälimdemesi jariyalanğandı. Alayda, eki jaq äskerileriniñ atıstı toqtatu bitimin bwzu äreketi tuındağan soñ, BWW eki el basşısın kelissöz üsteline qayta keluge jäne adam şığının boldırmauğa şaqırdı»,-dep mälimdedi.

Osı orayda Reseydiñ sırtqı ister ministri Sergey Lavrov ta ötken jwma küni (31 naurız) «Azartadj» resmi aqparat agenttigine bergen swhbatında: «Mäskeu, Uaşington men Parij Äzirbayjan respublikası men Armeniya arasındağı Qarabaq qayşılığın şeşuge qatıstı ortaq közqarasqa ie»,-dep mälimdedi. Ol, sonımen qatar, üş el – Resey, AQŞ jäne Franciyanıñ Baku men Erevan arasındağı Qarabaq qayşılığın şeşuge bağıttalğan äriptestiginiñ jalğasatındığına ümit bildirdi.

Resey Sırtqı ister ministriniñ sözi Qarabaq qayşılığın doğaru üşin Europadağı qauipsizdik pen ıntımaqtastıq wyımına qarastı Minsk araağayın tobı basşılarınıñ üylesip äreket etetinin körsetti. Alayda qarsılasuşı taraptar, äsirese Äzerbayjan respublikası Minsk tobı basşılarınıñ qoldauına asa ümit artpaydı. Bakudiñ keybir memlekettik qayratkerleri men soğan qarastı organdar ötken birneşe jılda Äzerbayjan respublikasınıñ Izrail' jäne AQŞ-pen strategiyalıq odağınıñ Qarabaq qayşılığın osı mwsılman eliniñ müddesine oray şeşe aladı dep körsetkisi kelgen. Alayda, Lavrovtıñ sözderi osınday jarnamanıñ keri jağdayın däleldep otır.

Äzerbayjan respublikası men Armeniya küşteriniñ tüyisken twstarında jağdaydıñ qiındığın eskerip, BWW-nıñ qarsılasuşı taraptar Baku men Erevan basşıların kelissözge keluge şaqıruınıñ osı halıqaralıq wyımnıñ Oñtüstik Kavkazdağı şielenisti azaytu salasında jasağan oñ qadamı ekeninde kümän joq. Ötken birneşe jıldıñ işinde Qarabaq qayşılığın doğaruğa qatıstı BWW beytarap rölge ie bolğandıqtan, azıraq pikir bildiretin. Mwnımen qosa, ötken birneşe jıl işinde BWW Qauipsizdik keñesiniñ armyan küşterin Äzirbayjan respublikasınıñ jerinen şığaru turalı 4 qararı jariyalanğanına qaramastan, bwl qararlar tek qağaz jüzinde qalıp, iske aspadı. Aymaq mäseleleri jönindegi sarapşılardıñ aytuınşa, BWW-nıñ ökilderi Baku men Erevan basşıların kelissözder üsteline keluge şaqırudıñ ornına Qauipsizdik keñesi qararlarınıñ orındaluın basa aytqanı jön. Qararlardıñ qabıldanğanına 20 jıldan astam uaqıt ötti, alayda bwl salada eşqanday is atqarılğan joq. Osınday şındıqtarğa qaramastan, Qarabaq qayşılığınan tuındap otırğan aymaqtıq qauip-qaterlerdiñ qazirgi üderisi men BWW-nıñ rölinen qapı qalmau qajet. Bwl halıqaralıq wyım Baku men Erevannıñ jer dauına aralasıp, aymaqtıq özgeristerde sındarlı röl atqara aladı. Osığan qatıstı, BWW Bas hatşısınıñ resmi ökili Farhan Haqtıñ juırdağı sözderin osı wyımnıñ Äzerbayjan respublikası men Armeniya qayşılığın toqtatuğa baysaldı türde atsalısuınıñ bastaması dep tüsinuge boladı.

Baku men Erevannıñ jer dauın şeşuge bağıttalğan halıqaralıq talpınıstarğa qaramastan, Äzerbayjan respublikası men Armeniyanıñ keybir joğarı lauazımdı qayratkerleriniñ sözderi ärdayım Qarabaq beybit kelissözderi üderisine teris äserin tigizip keldi. Sonıñ işinde Baku men Erevan basşılarınıñ soñğı aylarda soğıstı qayta bastau turalı özara qoqan-loqqıların aytuğa boladı. Sonday-aq, Äzerbayjan respublikasınıñ Prezidenti Il'ham Älievtiñ soñğı sözderinde Armeniyanıñ bolmısı men egemendigine kümän keltirilgen bolatın.

“The Qazaq Times”