Franciya aqparat qwraldarı AQŞ jaña ükimetiniñ Memlekettik hatşısı Tillerson Türkiyada resmi saparda jürgenin habarlap otır. 30 naurız Türkiya astanası Ankarada Tillerson men Türkiya sırtqı ister ministri Mevlyut Çavuşoglu kezdesip keñeytilgen otırıs ötkizgen. Kezdesuden keyin birlikte jurnalisterdi qabıldağan.

Bwl Tillersonnıñ qızmetke kiriskennen beri Türkiyağa jasağan alğaşqı saparı. Osıdan bwrın Tramp ükimetiniñ negizgi ökiliniñ biri retinde Şığıs Aziya elderine diplomatiyalıq saparda bolıp qaytqan edi. Tillerson AQŞ Memlekettik hatşısı retinde tanımal sayasi twlğalardıñ birine aynalıp keledi. Sebebi, Tramp ükimeti onı AQŞ-pen arada özekti mäseleler orın alıp otırğan elderge diplomatiyalıq saparlarğa art-artınan attandırıp otır. Tillersonnıñ Şığıs Aziyadağı saparı öñirdiñ qauipsizdiginiñ eñ özekti twsında boldı. Sonımen birge Şığıs Aziya elderi men AQŞ arasındağı jaña qarım-qatınastıñ alğaşqı negizin qaladı dep bağalauğa boladı.

Osı jolı Türkiyağa jasağan saparı Europa elderi üşin nazar audaratın mäselelerdiñ biri. Sebebi, Türkiyadağı referendumğa baylanıstı jäne soñğı kezdegi türik biligindegi sayasi qadamdardıñ äserinen Türkiya men EO arasındağı qarım-qatınasqa aytarlıqtay sızat tüsken bolatın. AQŞ memlekettik hatşısı Tillerson jurnalisterdi qabıldau barısında Türkiyanıñ terrorizmge qarsı küres jürgizudegi tabıstı qadamdarın alqadı. AQŞ pen Türkiya lañkestikke birlesip qarsı twrudıñ jaña kelisimderine kelip, dini wşqarı wyımdardıñ taraluın ortaq tejeuge kelisim jasasqan.

“The Qazaq Times”