ŞQO aumağında wşaq qwlap, örtendi

Öskemen äuejayınıñ mañında wşaq qwladı.  

ŞQO tötenşe jağdaylar departamentiniñ habarlauınşa, sanitarlıq aviaciyanıñ AN-2 wşağı sağat 12.33-te Praporşikovo auılınıñ mañında apatqa wşıradı. Wşaqta bes adam bolğan.

«Qazaqstannıñ aviaciyalıq äkimşiligi «Orlan 2000» äue kompaniyasınıñ An 2 äue kemesi Öskemen-Aqsuat sanitarlıq tapsırması boyınşa wşudı jüzege asırğanın habarlaydı. Sağat 12.50-de ekipaj qozğaltqıştağı tötenşe jağday turalı habarladı. Äue kemesiniñ komandiri Öskemen äuejayınan 1,5 şaqırım audanda mäjbürli qonu turalı şeşim qabıldadı, bortta 5 adam, 3 ekipaj müşesi jäne 2 qızmet jolauşısı bolğan. Zardap şekkender joq. Qazaqstan Respublikası Industriya jäne infraqwrılımdıq damu ministrliginiñ aviaciyalıq oqiğalardı tekseru basqarması oqiğa tergeuin bastadı», – dep habarlaydı azamattıq aviaciya komiteti.

Bwğan deyin 2019 jıldıñ 27 jeltoqsanında tañğı sağat jetide Bek Air äue kompaniyasınıñ «Almatı-astana» bağıtındağı Fokker 100 jolauşılar wşağı Almatı mañına qwlağan. Ol kezde wşaqta 93 jolauşı men 5 ekipaj müşesi bolğan. Apat 12 adamnıñ ömirin qidı, qaza bolğandardıñ işinde wşaq komandiri bar. Ekinşi pilot auruhanadan şıqqannan keyin bir jwmadan soñ köz jwmdı.

“The Qazaq Times”