شقو اۋماعىندا ۇشاق قۇلاپ، ورتەندى

وسكەمەن اۋەجايىنىڭ ماڭىندا ۇشاق قۇلادى.  

شقو توتەنشە جاعدايلار دەپارتامەنتىنىڭ حابارلاۋىنشا، سانيتارلىق اۆياتسيانىڭ ان-2 ۇشاعى ساعات 12.33-تە پراپورششيكوۆو اۋىلىنىڭ ماڭىندا اپاتقا ۇشىرادى. ۇشاقتا بەس ادام بولعان.

«قازاقستاننىڭ اۆياتسيالىق اكىمشىلىگى «ورلان 2000» اۋە كومپانياسىنىڭ ان 2 اۋە كەمەسى وسكەمەن-اقسۋات سانيتارلىق تاپسىرماسى بويىنشا ۇشۋدى جۇزەگە اسىرعانىن حابارلايدى. ساعات 12.50-دە ەكيپاج قوزعالتقىشتاعى توتەنشە جاعداي تۋرالى حابارلادى. اۋە كەمەسىنىڭ كومانديرى وسكەمەن اۋەجايىنان 1,5 شاقىرىم اۋداندا ءماجبۇرلى قونۋ تۋرالى شەشىم قابىلدادى، بورتتا 5 ادام، 3 ەكيپاج مۇشەسى جانە 2 قىزمەت جولاۋشىسى بولعان. زارداپ شەككەندەر جوق. قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ اۆياتسيالىق وقيعالاردى تەكسەرۋ باسقارماسى وقيعا تەرگەۋىن باستادى»، – دەپ حابارلايدى ازاماتتىق اۆياتسيا كوميتەتى.

بۇعان دەيىن 2019 جىلدىڭ 27 جەلتوقسانىندا تاڭعى ساعات جەتىدە Bek Air اۋە كومپانياسىنىڭ «الماتى-استانا» باعىتىنداعى Fokker 100 جولاۋشىلار ۇشاعى الماتى ماڭىنا قۇلاعان. ول كەزدە ۇشاقتا 93 جولاۋشى مەن 5 ەكيپاج مۇشەسى بولعان. اپات 12 ادامنىڭ ءومىرىن قيدى، قازا بولعانداردىڭ ىشىندە ۇشاق كومانديرى بار. ەكىنشى پيلوت اۋرۋحانادان شىققاننان كەيىن ءبىر جۇمادان سوڭ كوز جۇمدى.

“The Qazaq Times”