Ükimet memlekettik tilge «monitordan» orın beruge nege qinaladı?

Eldegi atqaruşı bilik qızmetin jüzege asıruşı, 17 ministrlik pen üş ökil, bir prem'er-minsitrden twratın Qazaqstan ükimetiniñ otırısında ünemi orıs tilindegi prezentaciya qwjattarı wsınıladı. Nelikten?  

Bügin, 2 naurız elordada ükimet bastığı Asqar Maminniñ törağalığımen ötken ükimet otırısında koronavirus indetimen küres mäselesi jäne saudanı damıtudıñ jaña bağdarlaması talqılandı. Densaulıq saqtau ministri E. Birtanov pen sırtqı ister ministri M. Tileuberdi, industriya jäne infraqwrılımdıq damu ministriniñ orınbasarı B. Qamaliev, ükimet basşısınıñ orınbasarı E. Toğjanov qazirgi jağday men atqarılıp jatqan jwmıstar turalı memlekettik tilde bayandağanımen, monitordağı materialı tek orısşa berildi. Sonday-aq saudanı damıtudıñ 2021-2025 jıldarğa arnalğan memlekettik bağdarlaması twjırımdamasın  tanıstırğan sauda jäne integraciya ministri B. Swltanov ta osı sarındı qaytaladı.

25 aqpanda ötken jiında da «su tasqını qaupiniñ aldın alu jäne joyu boyınşa atqarılıp jatqan ister jöninde işki ister ministri E. Twrğımbaev, ekologiya ministri M. Mırzağaliev, industriya vice-ministri Q. Öskenbaev, Aqmola oblısınıñ äkimi E. Marjıqpaev, Qarağandı oblısınıñ äkimi J. Qasımbek, astana äkimi A. Kölginov bayandama jasadı. Sonday-aq şağın jäne orta biznes pen jwmıs orındarın aşu turalı ekonomika ministri R. Dälenov jäne «Atameken» WKP basqarma törağasınıñ orınbasarı E. Jwmağaziev söz aldı. Barlığınıñ prezentaciyası – orısşa.

;t=942s

Mäseleniñ män-jayı bölek äñgime. Köpti tañğaldırğanı Qazaqstan ükimetiniñ otırısında memlekettik tilde ejelep oqitın iri şendilerdiñ barlıq prezentaciya-esep materialı tek orıs tilinde körsetilip qsınıladı. Nelikten? Äleumettik jeli qoldanuşıları mwnı «közqamandıq», «qazaq tilin jwmıs tili bolğanın qalamaytın qasañ pikirden tuğan» dep bağalap jatadı. Bügingi jiında da ministrler men resmi uäkilder prezentaciyasın qazaqşa qorğağanımen, ekrandağı mälimet-derek sızbalar tek orıs tilinde berildi. Bwl birinşi ret emes. Jıl boyına ötken ükimet otırısınıñ tikeley efirinen osı olqılıq bayqaladı. «Qazaq tili tek auızşağa ğana jaray ma, qwjat tilinde äleueti därmensiz be edi?» degen orındı saual tuadı.

17 ministri men eki orınbasarı bar ükimet bastığı Asqar Maminniñ komandası  auızeki söylerde qazaqşanı «şorqaqtatıp» bolsa da qoldanğanımen, negizgi monitor mälimetterin tanıstırarda orısşağa büyregi bwrıp twratınday.

Sözimiz däleldi bolu üşin 28 qañtardağı ükimet otırısın alalıq. Qazaqstan ükimetiniñ jiınında wlttıq ekonomika ministri Ruslan Dälenov ekonomikalıq damu josparı  jaylı, al ekologiya Mağzwm Mırzağaliev «2020-2030 jıldarğa arnalğan Qazaqstannıñ su resurstarın basqaru jönindegi memlekettik bağdarlama» twjırımdamasınıñ prezentaciyasın orıs tilinde wsındı. Bayandama qazaqşa oqılıp jatadı, al monitordağı negizgi derek-sızba orısşa wsınıladı. Tıñday otırıp, köz salatın şeneunikter bir sätte bilingvistik operaciyamen sanasına salmaq tüsiredi. Al bwdan da mañızdısı «memlekettik tildiñ aqsaraydağı abıroyı». Ükimet özi ülgi bolmasa, etektegige ne deuge boladı?

;feature=emb_title

Aqpannıñ 4-i ükimet üyinde ötken kezekti otırıstıñ  kontentine üñilip körsek, mwnda da sauda ministri Baqıt Swltanov azıq-tülik tauarlarınıñ bağasın twraqtandıru turalı bayandamasınıñ älem-jälem prezentaciyasın memlekettik tilde wsına almadı. Al «Cifrlıq Qazaqstan» memlekettik bağdarlamasın iske asıru barısın tanıstırudı Nazarbaevtı eske alumen bastağan cifrıq damu ministri Asqar Jwmağaliev te infografikağa tolı derekteriniñ orısşa nwsqasın körsetti.

;feature=emb_title

Ötken aptada ğana, 18 aqpandağı «2021-2025 jıldarğa arnalğan geologiyalıq barlau memlekettik bağdarlaması twjırımdaması» men elektrondı sauda mäselesi qaralğan ükimet otırısında ekologiya ministri M. Mırzağaliev pen  B. Swltanov ädettegidey özi qazaqşa, materialı orısşa «sayradı». Sonımen qosa ükimet müşelerinen bölek poşta infraqwrılımınıñ jay-küyi turalı bayandağan «Qazpoşta» AQ basqarma törağası Säken Särsenovtiñ de prezentaciyası «spasibo za vnimanie» degen titrmen ayaqtaldı.

;feature=emb_title

Qazaqstan ükimetiniñ baspasöz korpusına wlt janaşırları men azamattıq qoğam belsendileri «memlekettik tildi ögeysitpeudi» qatañ eskertedi.

"The Qazaq Times"