Saha baqsısı Aleksandr Gabışev. Foto: Google

Saha baqsısı Aleksandr Gabışevtiñ Mäskeuge jorığı jaylı jazğan bloger Sergey Tihiy YAkutsk qalalıq sotınıñ şeşimimen 10 täulikke qamaldı.

Reseylik BAQ-tıñ mälimetinşe, blogerge «policiyağa bağınbadı, bwzaqılıq jasadı» degen ayıp tağılğan. Alayda Sergey Tihiy bwl ayıptaulardı joqqı şığarıp otır. Onıñ aytuınşa, saha baqsısı Gabışevtiñ jorığı jaylı jazğanı üşin «bilik ürkip» onı qamauğa alıp otır jäne Resey bwl äreketimen «adam qwqığın taptaudıñ ülgisin körsetti».

Gabışev bıltır naurızdan bastap Qiır Şığıstan Mäskeuge qaray jayau jorıq bastağan. Onıñ pikirinşe, «Resey prezidenti Vladimir Putin qara küşterden payda bolğan jäne onımen tek baqsı ğana kürese aladı». Ol osı uaqıtqa deyin 2800 şaqırım jol jürip, jolşıbay kezdesken adamdarğa ügit-nasihat jwmıstarın jürgizgen.

19 qırküyekte Gabışevtı Irkutsk oblısındağı Vıdrino lagerinen avtomat pen rezeñke tayaq wstağan bir top adam wstap äketken bolatın. Baqsınıñ üstinen qılmıstıq is qozğalıp, psihiatriyalıq saraptama tağayındalğan.

Amnesty International adam qwqığın qorğau wyımı Aleksandr Gabışevti «ar-wjdan twtqını» dep atap, Resey biligin saha baqsısın bosatuğa şaqırğan​.

"The Qazaq Times"