ساحا باقسىسى الەكساندر گابىشەۆتىڭ ماسكەۋگە جورىعى جايلى جازعان بلوگەر سەرگەي تيحي ياكۋتسك قالالىق سوتىنىڭ شەشىمىمەن 10 تاۋلىككە قامالدى.
رەسەيلىك باق-تىڭ مالىمەتىنشە، بلوگەرگە «پوليتسياعا باعىنبادى، بۇزاقىلىق جاسادى» دەگەن ايىپ تاعىلعان. الايدا سەرگەي تيحي بۇل ايىپتاۋلاردى جوققى شىعارىپ وتىر. ونىڭ ايتۋىنشا، ساحا باقسىسى گابىشەۆتىڭ جورىعى جايلى جازعانى ءۇشىن «بيلىك ۇركىپ» ونى قاماۋعا الىپ وتىر جانە رەسەي بۇل ارەكەتىمەن «ادام قۇقىعىن تاپتاۋدىڭ ۇلگىسىن كورسەتتى».
گابىشەۆ بىلتىر ناۋرىزدان باستاپ قيىر شىعىستان ماسكەۋگە قاراي جاياۋ جورىق باستاعان. ونىڭ پىكىرىنشە، «رەسەي پرەزيدەنتى ۆلاديمير پۋتين قارا كۇشتەردەن پايدا بولعان جانە ونىمەن تەك باقسى عانا كۇرەسە الادى». ول وسى ۋاقىتقا دەيىن 2800 شاقىرىم جول ءجۇرىپ، جولشىباي كەزدەسكەن ادامدارعا ۇگىت-ناسيحات جۇمىستارىن جۇرگىزگەن.
19 قىركۇيەكتە گابىشەۆتى يركۋتسك وبلىسىنداعى ۆىدرينو لاگەرىنەن اۆتومات پەن رەزەڭكە تاياق ۇستاعان ءبىر توپ ادام ۇستاپ اكەتكەن بولاتىن. باقسىنىڭ ۇستىنەن قىلمىستىق ءىس قوزعالىپ، پسيحياتريالىق ساراپتاما تاعايىندالعان.
Amnesty International ادام قۇقىعىن قورعاۋ ۇيىمى الەكساندر گابىشەۆتى «ار-ۇجدان تۇتقىنى» دەپ اتاپ، رەسەي بيلىگىن ساحا باقسىسىن بوساتۋعا شاقىرعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟