Bryussel'degi eki kündik sammitte Eurokeñes törağası Şarl' Mişel' 2021 jıldan bastap Europalıq odaqtıñ jıldıq byudjeti 11 milliard euroğa qısqaratının habarladı.

Wlıbritaniyanıñ Europalıq odaq qwramınan şığuı byudjettiñ qısqaruına birden-bir sebep. Sol sebepti ekonomikası quattı elderdiñ jarnası qanşalıqtı ösetinin, al dotaciyadağı memleketterdiki qanşalıqtı qısqaratının şeşu qajet. Jalpı 7 jıldıq byudjet jobası boyınşa odaqqa 1 trillion eurodan asa qarjı qajet. Osığan baylanıstı Euroodaq basşıları jarna mölşerin odaqqa müşe ärbir eldiñ jalpı işki öniminiñ 1%-i köleminde bekitudi wsındı.

Alayda Europarlamenttegiler bwl salımdardı 1,3%-ke wlğaytu kerek deydi. Taraptar arasında wsınısqa qatıstı kelispeuşilikter orın alıp, Germaniya jäne Franciya basşılarımen ekijaqtı kelissözder jürgizuge kiristi. Eurokomissiya prezidenti Ursula fon der Lyayen byudjetti arttırıp, investiciyanı ğılım men bilim salasına qwyu kerektigin ayttı.

"The Qazaq Times"