Körneki suret: Qazaqstan prezidenti Qasım-Jomart Toqaev jäne Belarus' prezidenti Aleksandr Lukaşenko

Belarus' memleketiniñ prem'er-ministri Sergey Rumas Belarus' azamattarın Qıtaydan evakuciyalauğa kömekteskeni üşin Qazaqstanğa alğıs bildirdi.

Belarus' ükimetiniñ resmi saytında: «Sergey Rumas Belarus' Respublikası Ükimetiniñ atınan 2020 jıldıñ 2 aqpanında koronavirus oşağı QHR Hubey provinciyasınan şığu turalı şeşim qabıldağan 5 belarus' azamatın arnayı reyspen evakuaciyalauğa jedel kömek körsetkeni üşin Qazaqstanğa alğıs bildirdi», – delingen.

Eki eldiñ seriktestigine senim bildirgen Belarus' Ükimetiniñ basşısı azamattarın Qazaqstan tarabınıñ astanadağı medicinalıq mekemege ornalastırıp, 2 apta işinde qajetti jağday jasağanın ayttı.

Ayta keteyik, oşağı Qıtaydan bastalıp älemge tarağan qaterli koronavirus indetinen 2010 kisi köz jwmıp, 75,1 mıñ adam jwqtırğan. Düniejüzilik densaulıq saqtau wyımınıñ atalğan indettiñ adam men ekonomikağa zalalı orasan degen mälimdemesinen keyin, birqatar memleketter Qıtaydağı azamattarın evakuaciyaladı.

"The Qazaq Times"