Koreya Respublikasınıñ bwrınğı prezidenti Li Men Bak. Foto: https://mir24.tv

Koreya Respublikasınıñ bwrınğı prezidenti Li Men Bak 17 jılğa bas bostandığınan ayırıldı. Bwl turalı Yonhap agenttigi habarladı.

Seuldiñ Joğarğı sotı eks-prezidentti 2008-2013 jıldarı asa iri kölemde para alğanı jäne byudjet qarjısın jımqırğanı üşin kinäli dep taptı. Sonımen qatar, 78 jastağı Li Men Bak $15,7 mln köleminde ayıppwl töleui tiis.

Prokuratura bwrınğı memleket basşısın avtomobil' bölşekterin şığaratın DAS kompaniyasınıñ qarjısın qaltasına bastı jäne prezident bolıp twrğanda Samsung Electronics-ten para aldı degen küdikke ilingen. Atalğan kompaniyanıñ akcioneri bolğan Li Men Bak bwğan deyin de jemqorlıqqa baylanıstı temir torğa jabılğan.

2018 jıldıñ  22 naurızında twtqınğa alınıp, 5 qazanda Seuldiñ Joğarğı sotı onı 15 jılğa türmege qamau turalı ükim şığarğanımen, 2019 jıldıñ naurızında densaulığına baylanıstı abaqtıdan bosatılğan.

Eske sala keteyik, 2017 jılı Oñtüstik Koreyanıñ tağı bir eks-prezidenti Pak Kın He bilikti teris maqsatta paydalandı jäne kompaniyalardan qarjı jımqırdı degen ayıppen 24 jılğa bas bostandığınan ayırılğan bolatın.

"The Qazaq Times"