Foto: ParsToday

AQŞ pen Saud Arabiyasınıñ Qauipsizdik Keñesindegi Iranğa qarsı astırtın äreketi sätsizdikke wşıradı. BWW-nıñ mamandarı osı wyımnıñ Qauipsizdik Keñesiniñ otırısında Iran tarapınan yemendik toptarğa eş qaru jöneltilmegenin moyındadı. Bwl turalı "Fars" baspasözinde jazıldı.

Bwdan bwrın AQŞ pen aymaqtağı keybir arab elderi, atap aytqanda Saud Arabiyası Iran islam respublikasına №2231 qarardı bwzıp, Yemenge qaru jöneltti degen ayıp taqqan jağdayda BWW-nıñ mamandarı men tilşileri Qauipsizdik Keñesiniñ särsenbi küngi otırısındağı esebinde: «Tärkilengen kemelerdiñ Irannan qaru alğanı nemese osı qarulardıñ irandıq boluına qatıstı eş belgi joq» dep mälimdedi.

BWW-nıñ Qauipsizdik Keñesindegi bir bilikti derekközi: «Saud Arabiyası osı esepke qattı narazı äri Qauipsizdik Keñesiniñ qwjatı retinde jariyalanbauına küş saluda» dedi.

AQŞ pen Saud Arabiyası yemendik toptarğa Iran tarapınan qaru-jaraqpen demeuşilik körsetilude degen uäj aytıp, «Arab koaliciyası» dep atalatın toptıñ Yemenniñ mazlwm halqına şapqınşılığın aqtauğa tırısuda.

“The Qazaq Times”