اقش پەن ساۋد ارابياسىنىڭ يران تۋرالى جوسپارى ىسكە اسپاي قالدى

اقش پەن ساۋد ارابياسىنىڭ قاۋىپسىزدىك كەڭەسىندەگى يرانعا قارسى استىرتىن ارەكەتى ساتسىزدىككە ۇشىرادى. بۇۇ-نىڭ ماماندارى وسى ۇيىمنىڭ قاۋىپسىزدىك كەڭەسىنىڭ وتىرىسىندا يران تاراپىنان يەمەندىك توپتارعا ەش قارۋ جونەلتىلمەگەنىن مويىندادى. بۇل تۋرالى "فارس" باسپاسوزىندە جازىلدى.

بۇدان بۇرىن اقش پەن ايماقتاعى كەيبىر اراب ەلدەرى، اتاپ ايتقاندا ساۋد ارابياسى يران يسلام رەسپۋبليكاسىنا №2231 قاراردى بۇزىپ، يەمەنگە قارۋ جونەلتتى دەگەن ايىپ تاققان جاعدايدا بۇۇ-نىڭ ماماندارى مەن تىلشىلەرى قاۋىپسىزدىك كەڭەسىنىڭ سارسەنبى كۇنگى وتىرىسىنداعى ەسەبىندە: «تاركىلەنگەن كەمەلەردىڭ يراننان قارۋ العانى نەمەسە وسى قارۋلاردىڭ يراندىق بولۋىنا قاتىستى ەش بەلگى جوق» دەپ مالىمدەدى.

بۇۇ-نىڭ قاۋىپسىزدىك كەڭەسىندەگى ءبىر بىلىكتى دەرەككوزى: «ساۋد ارابياسى وسى ەسەپكە قاتتى نارازى ءارى قاۋىپسىزدىك كەڭەسىنىڭ قۇجاتى رەتىندە جاريالانباۋىنا كۇش سالۋدا» دەدى.

اقش پەن ساۋد ارابياسى يەمەندىك توپتارعا يران تاراپىنان قارۋ-جاراقپەن دەمەۋشىلىك كورسەتىلۋدە دەگەن ءۋاج ايتىپ، «اراب كواليتسياسى» دەپ اتالاتىن توپتىڭ يەمەننىڭ مازلۇم حالقىنا شاپقىنشىلىعىن اقتاۋعا تىرىسۋدا.

“The Qazaq Times”