The Diamond Princess kruizdik layneri. Foto: https://thenypost.files.wordpress.com

Tokioğa jaqın jerde karantinde jatqan The Diamond Princess kruizdik laynerindegi jolauşılar men ekipaj müşeleri arasında koronavirus jwqtırğandar sanı 454 adamğa jetken. Bwl turalı Japoniya ükimeti habarladı.

Sarapşılar laynerde taralıp jatqan dert uşığuı mümkin dep dabıl qağıp otır. AQŞ ükimetine qarastı eki wşaq kemeniñ bortındağı 400 AQŞ azamatın evakuaciyalau üşin Japoniyağa wşıp kelui tiis. Kanada, Gonkong jäne Izrail' Japoniyağa kemedegi öz azamattarın evakuaciyalau üşin çarterlik reys jiberuge dayındalıp jatqanın mälimdedi.

Osı aptada Japoniya Uhan' qalasınan öz azamattarın evakuaciyalau üşin besinşi çarterlik reysti jiberdi. Qazirgi uaqıtta 700-den astam adam elge oralğan.

Soñğı mälimetter boyınşa, qaterli koronavirus indetinen 1775 kisi köz jwmıp, 71,3 mıñ adam jwqtırğan. Sonımen qatar, Qıtayda auru jwqtıruşılarmen qatınasta bolğan 150,5 mıñ adam därigerlerdiñ qatañ baqılauına alınğan. Tağı 7,2 mıñ adam koronavirus küdigimen karantinge jatqızıldı. Medicina mamandarınıñ bağalauınşa, elde 10,6 mıñ nauqastıñ jağdayı tım auır.

"The Qazaq Times"